الاقدام فيها وفيها

[وفاء الحمري]

الاْقْدَام فيها وفيها
اقْدام تْجِيبْ الرْباحْ وتْعلّي الاْعْلاَمْ
واقْدامْ تمشي وتْخْليها
واقْدام تجْمْل العين بالإِقدام
واقْدامْ تْعَوّرْ العَيْنْ وتْعْميها
وأقْدام ترفع رايات الإسلامْ
واقدام تهْلكْ الناس وتْفْنيها
واقْدامْ تْزيدْ بالشعب لْقْدّاْم
واقْدام تعثْرْْ النّاسْ فيها
واقْدامْ تعلّْمْ ريوسْنا الْحْكَام (الحِكَم)
واقْدامْ تْحْكْمنا برْجليها
واقْدامْ عُمّرْها ما تْقْدام
واقْدامْ الريح لي جَا يْدّيها
واقْدام ترمي الكورة بْتمامْ
واقدام تضيعها وتْجْليها
واقْدامْ تْكْتْبْ الحْكْمَة بالاْقْْلامْ
وقْدام رصاص الجهل ماحيها
وقْدامْ الحُكّامْ ما تْتْلام
والشعب المْخلوع ْمْغطيها
وكراسيهم مصنوعة بالعْظام
ودْ مْ صُبْيان القُدْسْ طَاليها
كراسيهم مصنوعة بالكْلامْ
وكَثْرَة الكْلامْ عيبْ وشُوهَة
كراسي الحُكّام مصنوعة بالاْوْهام
والقمع والقهر مْعلّيها
وصمت الناس على الْقْهْرة حْرامْ
سْكاتْهم ركن أساسي فيها
إِمْتَى كان السْكاتْ جوهرة الكْلامْ
ولاّ كان للصمت قيمة فيها
اقْدام الرْبَاحْ لْمْوالِين الاْفْهام
اقْدام تْمشي بْمْوالِيها (بأصحابها)
اقْداَمْ تْزيدْ بيهُمْ لْقدّام (للأمام)
ولا احْسْنْ يبقاو بلا بيها


.

[ريمه الخاني]

حسك الوطني العروبي احترمه جدا
دمت بخير غاليتنا

[وفاء الحمري]

حسك الوطني العروبي احترمه جدا
دمت بخير غاليتنا

وما الذي نملكه غير هذا الحس يا العزيزة؟؟؟
وبه نحيى ونترقب الغد الأفض
ويا خوفي على هذا الحس من الخفوت يا خوفي

لك الشكرالجليل ما أكرمك يما

.