تلين مرّه ومرّه تتوعّد
ويصفِّر ولا مُهتم بحد
ويدقدق عالطاولة يغني
تغضب وتقول بتكلم جد

رُد عليّا لما احكيك
ونفِّذ كل كلمه اقولها لك
علشان كدا الناس حتحبك
وحاجه تعوزها رح اجيبهالك
ما ولد خالك احمد شاطر
اشمعنى انت ..
واخته سعاد
ادّتلك لعبتها الغالية
ما بتبطِّل بُكا وعناد
وخلِّص اكلك اوعى تخليه
مُش صمّمت نروح للمطعم
ولو ماعجبك نطلب غيره
ووطِّي الصوت وفضل يتعلم

كانت تتسوّق للبيبي
الجاي وتعبها به مبسوطه
تنقي فجنة من الامال
وحتى الساعه عليه مزبوطه
وعجله تزمِّر وكوره ومكتب
وفتَّح ..
نور سكتها عيونه
ويبرد ليله تبات تتعذب
وشي م اللقمه وَقع فهدومه
تزيح وتهندم يبقى مرتب

ويسأل ويعيد نفس سؤاله
حيرة عمر الفجر وجماله
وتردْ دايما وبالها طويل
وتتأمل فيه وابني جميل
ويصفِّق فتكشِّر فيه
يهدا تبوسه وتفرح بيه

وتفكِّر ايش يطلع بكره
طيار ولا محامي عظيم
ولا مهندس في التصميم
او فنان كم يقطف زهرة
وسيب الورد لليلة فرحك
واسرح..
يزعِّق تاني ويضحك
وتضحك هيَّ كمان وياه
شكله قُعاد المطعم زهَّق
وتاخده بإيده وتمشي معاه
وحتشوف فيلم تحب ابطاله
ويجوا من ورا ضهري
والقاه..

مُش دا الطفل البستناه
مش موزونه خطاه ويتلفَّت
من غير وعي المُخ اعياه
وتفزع تربط حبل مداسه
وإيد تفتح باب وتضم راسه
التانيه ويطلع مع حراسه
وبرَا يأشِّر ومعانداه
وتتبسَّم ليه مش للآه