ترن ترنّ وتسألُه
عن حالتُه
وان كان زعلان أوسعيد
يقفل وتاني ترنّ له
بدري تجي
ويوعدها جاي بدري أكيد
أغلب نهاره يمر كدا
في الشوك يطُل زهر وندى
ويحزن إذا مشغول وما يقدر يرد
مرّات تفوت مُدة طويله ما تتصل
يغلبها نوم
واوّل ما تصحى تستعدّ تكلمه
والأم تِغْلب مرّة وفمرّة تسِد
الخط وتشغلها بلعبه مسلية
ويضحك أنا دُنياي هيَ
تِطَّمَّن انّي مش جعان
وما تعبت من العمل
أو لسّه متذكّر لبان
وحلوى طلبتها وتتعثّر جمل
ويرنّ هاتف تفتكر
تجري بفرح بابا اتصل
ويخش بلهفه تحضنه
وبأعلى صوت بابا وصل
فيه شعور تحاول تعلنه
ويداري لو شي يحزنه
وباسها وبسمة تزيّنه
وفضْلت تعدّ له ايش حصل
هوّا المحبة والحنان
هوّا اللي فيه كل الامل
جاب لي لعب..مهما تعب
ما يردّ ليَّا أمنية
ولو حدّ منّي فيه غضب
يحميني ايده حانية
خليك ولا تسيبنا وتروح
أو خدني مطرح ما تروح
الشّغل ساكن جنبا
ولا بعيد عن حيّنا
وإيش غايتُه
بعدين اقصّ حكايته
كان ياما كان بنوته حلوه طيّبة
تسمع كلام الوالدين ومن القلوب قريّبة
وزيْ كل صباح
فين بابا راح
وتعود تاني تتصل
وترُد ما نحب الفلوس بنحبك انت جنبنا
تزعل ويوعدها بعروسة تغني سمّتها منى
مرضت منى وتستعجله
وبرغم انها تعطّله
فرحان بها
دي بتحيي فيه حب الحياة
وهم الشغل يتحمّله
مادام يدوق فعنيها بعض من السعاده
يوصله