[poem=font="Arial,6,darkblue,bold,normal" bkcolor="transparent" bkimage="" border="none,4," type=3 line=0 align=center use=ex num="0,black""]
قوم يا مصرى مصر دايما بتناديك =
خد بنصرى نصرى دين واجب عليك=

يوم ما سعدى راح هدر قدام عينيك=
عيد لى مجدى اللى ضيعته بأيديك=

شوف جدودك فى قبورهم ليل نهار=
من جمودك كل عضمة بتستجار=

فين أثارك ياللى دنست اﻷثار =
دول فاتولك مجد وأنت فت عار=

شفت أى بلاد يا مصرى فى الجمال=
تيجى زى بلادك اللى ترابها مال=

نيلها جى السعد منه حلال زلال=
كل حى يفوز برزقه عيشته عال=

يوم مبارك تم لك فيه السعود=
حب جارك قبل ما تحب الوجود=

ايه نصارى ومسلمين قال ايه ويهود=
دى العبارة نسل واحد مـ الجدود=

ليه يا مصرى كل أحوالك عجب=
تشكى فقرك وأنت ماشى فوق دهب=

مصر جنة طول ما فيها أنت يا نيل=
عمر أبنك لم يعيش أبدا ذليل=

يوم مبارك تم لك فيه السعود=
حب جارك قبل ما تحب الوجود=

ايه نصارى ومسلمين قال ايه و يهود=
دى العبارة نسل واحد مـ الجدود=[/poem]



[ALIGN=CENTER][TABLE1="width:70%;"][CELL="filter:;"][ALIGN=justify]ملحوظة :
مؤلف هذا النشيد هو بديع خيري .. وهو يهودي الأصل على مأعلم .. و قد كتب هذا النشيد عام 1919 .. قبل احتلال اليهود الصهاينة أرض فلسطين .. وقد كانوا يعيشون في مصر جنبا إلى جنب مع المسلمين والنصارى .. حتى قام عبد الناصر بطردهم بعد نكسة 67 .. هذا للعلم والفائدة .[/ALIGN][/CELL][/TABLE1][/ALIGN]