قصيدة ( اللصوص يا غزة )

محمد جابر المتولى

عضو الملتقى

تاريخ التسجيل: 05-05-2008

المشاركات: 64
- مشاركة
- تويت
#1

قصيدة ( اللصوص يا غزة )

08-04-2009, 13:40

[CENTER]اللصـــوص يا غزة [/CENTER]

اللصوص
والحاجات والمحتاجات
واللي باقي ف غزة مات
اللي باقي حلم
تايه في حواري الامتناع
صمت فايح
من بطون الاغتراب
والحناجر عالية جدا
في الاغانى
والمعاني
خوف وضعف
غزير بيجرى
في عروق الانتماء
غزة ليلى
بنت حلوة
حزينة جدا
ليها الف قيس وقيس
قيس مهكع
قيس ملكع
قيس بيرعى في الخيانة
قيس يبيع حتى ولاده
وقيس بيسكن في الهوامش
غزة دمعة جوه
عين الضعف ضايعة
دمعة وسط دموع كتيرة
واقعة فوق خدك يا أقصى
يا أسير وسط الحيارى
والديابة فيك بترعي
أااانننن واللي سارقك
علني سارق
واللي باعك
علني باعك
في مزاد مشروع وعلني
فوق ترابيزة قمار
والحمار جرجر وعوده
واحتوى كل الحمير
نهقة واحدة
يترعب منها العجايز
من أسود سيركك
يا وطني
يا للي دايب في العصير
كوب زتون
مخلوط بدم حمام سلام
والسلام … للخلف دٌر
مد أيدك للصوص
وطي واركع
ياله بوس
بكره عندك
بعده عندي
بعد بعده مساحة
التسليم تطول
الحجارة في عزة خلصت
والدموع م الأقصى نشفت
والاغانى عالية جدا
والولد مستني وعده
خالية ايده
بس قلبه فيه
براكين الغضب
امتى يوصل
انفجاره للصوص ؟
امتى يوصل ؟
الإجابة
بعد بعد بعد بعده
لما يتمنى الوصول
الاغانى لسه عالية
بالسلام
والسلام ………
السلام ……..
الكلمات الدلالية (Tags): لا يوجد

قصيدة ( اللصوص يا غزة )

ما الذي يحدث