للرفع ........

كابوس في منام يكفينا شر وسوسة الشيطان
الحمد لله بشرة خير في جواب بمشيئة الله
رائع د. أبو حميد المصري
شكرا

الأستاذة عبلة محمد مرزوق
اللهم إحفظنا من لمزات الشياطين في النوم و اليقظ
أشكرك على مرورك و تعليقك
بارك الله فيكي و أدام علينا طلتك

في كلام كتير أوي مش فهمته..
هو حضرتك عايش برا مصر؟ :>:>:>:>

لا عايش في مصر و ابن بلد كمان
شاوري على اللي ما قدرتيش تفهميه و انا اترجمه لك :-)

1- في كلام شكيت انه مصري زي:
الدرج= الدَرَجْ يعني السلم؟؟ بس أظن في مصر مش بيقولوا كدة، يعني بيقولوا سلم عادي مش درج
ما يفك خط بالمرة= بالمرة يعني أبدًا؟؟ في مصر بيقولوها كدة؟؟
في الصرة= دي بالفصحى يعني كيس النقود/ بس هل بتستعمل الكلمة دي في العامية المصرية؟
عامل فله= فلّة بالشدة على اللام يعني ماشي براسه أو دماغ بالتعبير المصري؟؟ حاسة بردو انها مش مصرية

2- وكلام مش مفهوم معناه أو السياق زي:
و قال إسمع دي مني أنا مروة= مروة اسم بنت ولا ليه معنى تاني، لأن في القصة كلها مكنش في ذكر للبنت دي
يا عرة= ده من كلام الطبيب ياترى وصف لمرض أو شتيمة؟؟ مرتحتلهاش يعني :>:>:>

عامة يا أستاذنا الوزن.. حقيقي لو كان موجود كان الحال بقى غير الحال.. أنا مش قصدي أكرر الكلام والله بس صدقني.. هو الي بيخلي الشعر شعر سواء عامي ولا فصحى.. الموسيقى هي الي بتطرب وتخليك تفهم المعنى ) وشكرا لحضرتك

الدرج ( السلم ) كلمة يستخدمها أهل الصعيد و القاهريين من أصل صعيدي
ما يفك خط بالمرة = لا يقرأ و هي تقال هكذا في الصعيد أيضا .. و بالمرة تستخدم بعدة معاني فتقال مثلا ( ما دمت خارج إبقى زور خالك بالمرة = مع الشيء ) و تقال عند النفي فيسأل الشخص ( تعرفه ؟ فيجيب ما أعرفوهوش بالمرة )
الصرة هي منديل كبير توضع به الأشياء ملابس مثلا و يصر أي يربط من زواياه الأربعة أي يصر و يستخدم بدلا من الحقيبة
عامل فلة ( بكسر الفاء ) و هي تعبير للسخرية ممن يعطي نفسه قدرا أكبر من حجمه و هي لغة دارجة
مروة بضم الميم و فتحها و ضم الراء = مروءة و تنطق بإسقاط الهمزة
يا عرة تعني تصغير الشأن أو التحقير و الذي كتبها هو الولد نفسه احساسا منه بالخجل و العار يصرح به لأبيه و ما فعله فعلا فعل يشين
الوزن موجود بس إنتي موش واخده بالك ربما لعدم معرفتك باللهجات الدارجة الشعبية المصرية
تحياتي ,,,,,

طاب كويييس :> في حجات جديدة عرفتها
يبقى حضرتك كنت تحط تشكيل عشان يعني احنا هنعرف منين ان في كلمات بتتقال في الصعيد :>:>
أما فلة دي بئه الي كانت أول مرة اسمعها :>

بس بئه الوزن مش موجود نوهائيا حضرتك :>:> وممكن زي ماحضرتك قلت شاور عليه :>

الحمد لله أن هناك بعض الإستفادة
حطي التشكيل سيادتك و أنتي تقرئين لأن المصريين يفهمونها بدونه ( مئات قرأوها و فهموها دون تشكيل كما وجدوا الوزن فيها ) .. أنا يظهرعامل فلة ... هههههه
شاوري على غير الموزون في نظرك .. و أحاول أن أعلمك ( بضم الألف و سكون النون ) .. حتى لا يساء الفهم ... كيف ننطقها نحن المصريون .. كلنا في مصر نفهم لهجاتنا المحلية .. كما نفهم اللهجات العربية الأخرى إلا لو حاول الملقي الإلقاء بسرعة ... كما يحدث في الشعر النبطي الذي أحب سماعه و لا أستسيغ قراءته لأنه يبدو لي حينئذ أنه شعرا غير موزونا .... كما يبدو لك و لبعض الزملاء أن ما أكتبه كذلك .. و فعلا ( أحيانا ) لا ألتزم بالوزن لكن الموسيقى في الكلمات بإستخدام ما يسمى أجيتاتو أو ستيكاتو أو ليجاتو ( أساليب السولفيج أي الغناء و التلحين بالصوت ) و أساليب أخرى معلومة لمن يهتم بعلوم الإلقاء و الموسيقى و هذا موضوع آخر ....
لا أعترض على الوزن و لكن ربما قد فات الضالعين فيه أن المد و الإضغام و المد و الإخفاء و السكت و الوصل يحتلون موضعا في موسيقى الشعر الملقى و وزنه ، فمثلا أحيانا يظهر الشاعر حرفا يستحق الإخفاء أو يمد الحرف أو يضع السكتات في مواضع معينة ليستقيم الوزن .. و هذا ما يسمى الإيقاع و اللحن في علم الموسيقى .. و في نظري أن الشعر ما هو إلا موسيقى .. قد تقتنعين أو لا تقتنعين و لكن هذا هو شعري و الإختلاف في الرأي لا يفسد للشعر قضية .. :-)
أرجو أن تمري على بقية الأشعار لبعض الأعضاء الآخرين و تصيدي بعض الأبيات الغير مقفاة أو موزونة و إلفتي النظر إليها حتى تعم الفائدة و لا أقول أنك متحاملة على أشعار أبو حميد المصري فقط و خاصة أنني بعد الإطلاع على بعض المواضيع علمت أنك شاعرة كبيرة واعدة و لك باع طويل في قرض الشعر و قد بحثت عن أعمالك في هذا المنتدى فلم إجد إلا ثلاثة من الأعمال الخاصة و الباقي مداخلات فنرجو الإكثار حتى أراكي ..
تحياتي و تقديري و شكري على المرور و التعقيب ,,,,

الأخت الفاضلة صائدة الخواطر أم الحلوين
أخجلتي تواضعنا سيدتي
هذا شرف لي أن ألقى مثل هذا التقدير على صفحة قصيدة لي
عفوا لم أفهم تماما ما عنيتيه باللقب : $
أتعشم أن يعني خيرا ... لأنني أبعد ما أكون مسنر $ ....ههههههه
فالجيب و القلب أنظف من الصيني بعد غسيله كما يقولون ...
تحياتي و شكري على المرور و التعليق ,,,,,,

)
والله حضرتك الحمد لله أنا مش بنافق حد.. ومش بتصيد لأن الموضوع مش استعراض ولا تحدي.. أنا بنصح الناس زي مابحب الناس تنصحني تمام.. بحس إن الي بيحط شعر بيكون عايز يطور من نفسه ويتعلم.. بس الظاهر ده احنا.. لكن جيل الكبار إلا من رحم الله خلاص كل واحد فيهم شايف نفسه كامل وبيدافع حتى لو غلط..
أنا مش متحاملة على "أشعار" حضرتك.. لأنها أصلا مش أشعار.. دي مجرد كلام مرصوص من غير وزن.. ولو كلامي غلط وريني واحد من شعراء الفصحى أو العامية الكبار في المنتدى هنا ولا في أي مكان وخليه يقول رأي غير ده..

أما عن أعمالي الخاصة سعادتك فهي في المنتدى ده قصيدة واحدة مش تلاتة.. أنا مش داخلة هنا اصلا على أساس اني باكتب ولا بقول اني بكتب.. أنا داخلة عشان أفيد وأستفيد.. وميعيبنيش أبدًا إني كل مشاركاتي ردود مش مواضيع)

هو حضرتك الموضوع من الآخر إن حضرتك عايز ناس تسقف وبس.. بس بجد.. الي عايز مصلحتك هيقولك ده مش شعر.. وكلامك عن الموسيقى وغيره ملوش أي علاقة بالشعر.. ولو فعلا الموسيقى بتعمل كل ده فين الدليل؟؟ وريني مقطوعة واحدة موزونة عشان أعرف أصدق..

عامة ربنا يسامحك يعني.. عادي.. )

أعتقد أنني لم أتجاوز أي حد من حدود اللياقة في كلامي
كنت أتوقع المثل

تحياتي ,,,

والحمد لله أنا مبقربش من حدود اللياقة، ولا بوجه الموضوع لشخص أصلا.. الموضوع وما فيه إن حضرتك لما لقيت حد بيعلق تعليق مش عاجبك أول حاجة جت في بالك "يطلع مين ده" وبالتالي قلتلي روحي "اتصيدي" لحد غيري، وانتي اصلا مشاركاتك معرفش ايه.. مع إن ده كله مينفيش أي حاجة من الي قلته ومازلت عند كلامي إن واحد شاعر حقيقي بس هنا يجي يشهد إن ده شعر وأنا أصدق.. عشان مفيش حاجة اسمها وزن محدش يشوفه غير الي كاتبه لأنه بيقراه بطريقة سحرية موسيقية وهمية محدش يعرفها غيره.. لو عندك منطق اقنعني..

أنا أصلا لااتكلمت عن نفسي، ولا دخلت نفسي في الحوار، كل تعليقاتي على حضرتك كنت عايزة أفهم.. ازاي وزن من غير موسيقى؟؟ هو فين الوزن ده؟؟ بدور فعلا على شعر عشان أقراه مش لاقية.. مدعتش إني عالمة ولا أستاذة في اللغة، بس بما إن حضرتك متصدر للشعر والتأليف وبتقبل اللقب ده يبقى هتعرف أكيد تشرح شرح منطقي..

وبالنسبة للرابط، الي بيسموه حداثة ده أصلا مش شعر، ده أولا، ثانيا حضرتك مش بتكتب بيه أصلا ولو كنت بتكتب بيه كنت رحت قسم قصيدة النثر، لكنك لابتكتب هناك ولا بتكتب بقواعد الحداثيين أصلا، حضرتك بتكتب هنا وفي قسم الفصحى على أساس إنك بتكتب شعر حقيقي موزون سواء كان فصيح أو عامي.. عارف لو كنت بتقول من الأول إنك بتكتب حداثي كان ماشي.. لكن ده مش حداثي حتى.. عادي يعني )