[poem=font="Arabic Transparent,7,darkblue,normal,normal" bkcolor="transparent" bkimage="backgrounds/29.gif" border="double,4,gray" type=3 line=1 align=center use=ex num="0,black"]

يا لا بينا يا جماعة=
نضحك لنا مقدار ساعة=
دا الضحك ما لهوش باعة=
و الغم له ناس غاويين=
***=
كان مرة فيه شيخ متصابي=
متقمع يمشي متهادي=
صابغ لي شعره و بالكادِ=
ف بقه فاضل يا دوب ضرسين =
***=
شاف قدامه بنت بداره=
شابه عروسه نواره=
قطرها من حارة لحارة=
حفيت وراها رجليه لتنين=
***=
بصت وراها راحت ضاحكه=
لما لاقت إنه راجل بركه=
يمد و صعب عليه الحركه=
عرقه مرقه ع الخدين=
***=
شافها بتضحك زاد عزمه=
و منى نفسه و حسب إنه=
نال الرضا و نسى سنه=
و قعد يرقص الحاجبين=
***=
سكة أبوكي فين يا باشا=
مستعد لطلباتك يا بغاشة=
عربيه و شقة و فراشة=
فرح يتحاكى به العاشقين=
***=
اديكي الحلوين ح أملاهم=
غوايش دهب لكيعانهم=
يخطف العين لمعانهم=
يصير الناس ليكي حاسدين=
***=
أفرش لك بيت حاجه ملوكي=
لا شافه جدك و لا بوكي=
و أعين ف المصنع أخوكي=
العاطل قاعد و له سنين=
***=
الصيف ح نقضيه في مارينا=
و الشتا يا ف أسوان يا ف سينا=
و لو زهقتي تبقى أتينا=
أي بلد و لو في الصين=
***=
و قفت البنيه بعنيها تبحلق=
سامعاه موش قادرة تصدق=
عجوز واقف لها يحدق=
ناقص يركع ع الرجلين=
***=
بسرعة الفكر راح بيها=
لحلم دايما بيجيها=
يبقلها بيت خاص ليها=
و زوج غني و تجيب ولدين=
***=
الدنيا أهي كلها قدماها=
و راجل ح يسمع كل كلامها=
منه تطلب ما فيه أمانها=
تعيش و يشوف له يومين=
***=
و لسه ح تقوله موافقة=
قابل أبويا و اشرب قهوة=
بيتناهناك ديك الناحية=
سمعت وراها صوت نساوين=
***=
عيب عليك يا با كده=
لا سبت آنسه و لا سيده=
الا و عملت الشغل ده=
ف كل حته وراك دايرين=
***=
سامحي لطف أبونا و سامحينا=
بحالته دي أهو جاب لينا=
مصايب الدنيا و نسينا=
نمشي معاه و احنا خارجين=
***=
ردت البنية يا خساره=
كان نفسي أطلع م الحاره=
و يبقى عندي شقه ف عماره=
و فلوس يا ما قوي ملايين=
***
ردوا بناته ما هو عنده=
فلوس كتير ما لهاش عدٌُ=
علشان كده ماشيين جنبه=
لحين ما يخلع و نكون وارثين=
_______________=

أبو حميد المصري =
‏31‏‏/‏10‏‏/‏2003=[/poem]