فاتك الحال





فـاتك الحال ...
عــاد جاي تفاقد وتســال
والقلب فسنوات حسب...الثواني كيستناك
لا خبار عليك تهنيه...
ولا رحمة من قيل وقال
وتناسيتي...
وتنسيتي...
وغبت تا فاتك الحال...
فاتك الحال... وبعدنا...
وما بقى بنا ما يتقال
بصح قلبي بيك تعلق
يفرح إلى كنت فرحان
ويحزن إلى تتقلق...
لكن حتى لين هاذ الحال
تهجر وتخليه مشوق
ولا يجي لك مرة فالبال...
لا ياحبيبي...لا تبررليش
خلاص اليوم فاتك الحال
لعمر إلى حسبتيه قصير
وربيعو غير ايام قلال
علاش تطمعني بالجنة...
وتخليني كنتمنى...
ما بين الحيرة والمحال
وكل أزمة تخلي آثار...
وبكل صدمة شبابي يذبال
كنترجاك لا ترغبنيش...
أنت عارف فاتك الحال
تأخرت وكانت الحكاية...
خاصها نقطة نهاية
وكان الكاس العامر أحزان...
خــاصو غي نقطة ويفيـــض
وكــان القلب مألم مريض
وجــــاي تحاول تقنعني...
بالكذوب فأسلوب جديـــد
شحـــأل قدك تكذب شحـــال
يــا حبيبي...فـــاتك الحــال