تويت
[frame="1 75"]
بقولك من يوم ميلادي
بحبك وبموت فيكِ
يا سكنه قلبي وفؤادي
يا دم بجري في وريدي
----------------
بقولك وأتمنى تكوني
يا حبيبتي بجد سمعاني
أهون ولا يوم تهوني
يا أجمل كنيه في كياني
------------------
ولو أنتِ مش مصدقاني
عذرك أكيد وياكِ
عشان فينا ألف جاني
باعك وباع هواكِ
--------------------
فينا اللي حبوكِ
فينا اللي خانوكِ
فينا اللي اشتروكِ
فينا اللي باعوكِ
------------------
حيرناكِ بهدلناكِ خصخصناكِ
وما زلتي في حضنك وخدانا
وكل همومنا شيلناكِ
وتملي وقفه ويانا
--------------------
طول عمرك حلمك يا سفينة
بر عليه ترسينه
يحضن أحلامنا وأمنينا
وأصيله في حضنك وأمينه
----------------------
وإن يوم تعبتي منا
وشواية طنشتينا
نقس بقلوبنا عليكي
مع إنك بتختبرينا
----------------------
يا زرعه ناديه وخضارك
مش محتاج جنينيه
يرعرع من شمس نهارك
ويغطي العالم حنيه
-------------------------
إحميني بضلك من نفسي
دفيني بشمسك دفيني
زى ما كنتِ في يوم يأسي
بإسرار وبصمت تقويني
--------------------------------
كلمات الشاعر / وليد الوصيف .
[/frame]