تويت
عوّد قلبك الاحزان
وضّوقو من عذاب الدنيا
قدر الضاقتو الاوطان
وكل ما تملأ بالافراح
ماتنساه من حرمان
عشان ساعة يفوتك زول
يفـــــــــوتك زول
هو لكن زول؟؟؟؟؟؟؟
براك بتعرفو
ما بقدر اوصفو ليك
ملانه عيونو ريد وحنان
تلاقي الدنيا تبسم ليك
يغيب جواك صورتو عيان
عشان ساعة يفوتك دا
لا تعدّي الليالي انين
ولا تقع الارض ندمان
فرحلك قلبي بالدمعات
رغم الفيهو من احزان
######
يا اعز انسان في قلبي
ما كنت متخيل في يوم
انت جواي واشتهيك
اخفي دمعاتي وأساي
وانطلق بي اشواقي ليك
المعّزه الفيني اكبر
من تفارقني واجيك
والموده البينا اصلا
ما اظن بتغيب عليك
لا قدرت على فراقك
لاني قادر تاني الا قيك
#########
رغم حزنك يا قليب
ماليه دنياك السعادة
ما الحبيب الليله فرحو
ورديتو إتحقق مراده
والدموع المني سالت
للفرح كانت شهادة
########
رقم حزنك يا قليب
فيك مليون الف فرحه
املا جواك بالصبر
وداوي بي افراحو جرحه
ايوه حايسيبك ليالي
وكانت ايام والله سمحه
وبكره برجع ليك تاني
والقلوب بي شوقه تصحى
* * *
يا سلام على زول بريدو
صدقو ياما ليّ اوحى
اني مهما بعدت عنو
طيفي ما غاب عنو لمحه
ولا انطفت نار اشتياقنا
ولا الوداد الفينا شحّ