تويت
رح ضل عم حبك
شعر غنائي : محمد عزوز
من شـي سما من شي نجم أرضـي
من شـي أرض بالطول والعرضي
صــــــــوتا إجا من بعيد وينك وين
تلخبط عمر وســــــنين عم تمضي
من دهر من شــــــي عمر ما شفتا
من كم ســــــــــــنة جنات ما دستا
نهاري طــــلع من دون علم ووعد
وجرحــــــــــي اندمل والآخ دوبتا
قالت صـــــــــــباح الخير من قلبا
ومر الهـــــــــــوى آهات من جنبا
صوتا بيحاكي الورد والياســــمين
وســــــبحان ربي اللي عطا وخبا
واللخبطة مرات مخضـــــــــــره
والقلب يخفق ساعتا بســـــــــــره
مدري شو عملتْ بنت هاك اليوم
جايي الهوى بالنقش والطـــــــره
رح اشـــــرب النغمات من ريقا
وغني معا مواويل تشـــــــــريقا
ودور الدني يا ناس يـــــوم بيوم
وزوِّق دروب العمــــــر تزويقا
قطعتْ الوعد يا هنوتي قطــعتو
ضمرتْ الســعد بعيونك وشفتو
باصـــــــم أنا من يوم ما حبيت
تأكيد ، عمـــــــري للوفا رهنتو
يا حلوه ما رح توه عن دربـــكْ
والورد فتّح وارتمى بعبــــــــكْ
وبحلف برب الكون صبح وليل
رح ضـل طول العمر عم حبكْ
18/3/2010