تويت
جديد يعانق أروقتكم بسخاء الشوق
ياخالـي الفكـر يالاهـي وداعيـة
ودعتك الله وخلـك فاكـر الحانـي
الطيب في كل طيّـب لـه اماريـه
الا انت ماتركب الطيّب على الجاني
صدقتك وقلت يمكـن بـك شهاميـة
وتصون عهد الله وتحسب للأيمانـي
لكن ربـي خلـق فطـره طبيعيـه
لقليل احسان مثلـك حالـي السانـي
طويتنـي طيـة المرسـال مطويـة
ثلاثة اعوام من عمـري وازمانـي
ضيعتهـا فـي هـوا بنتـن انانيـة
مافكرت في كـلام افـلان وفلانـي
ورفعت نفسي عن الغلطات والسيـه
ومع كل هـذا وهـي دايـم تبلانـي
ونا خذيت التجـارب لـي اداريـة
واقوال شيباننـا ذربيـن الأيمانـي
مايستر الجسم لبس اهـدوم عاريـة
ياللي لبستي من الياقـوت تيجانـي
وحاولت تخلع عن الرجـال طاقيـة
خيوطها من كرامـة بـن عليانـي
وداع مثلك تـرى حاجـة طبيعيـة
لكـن لوجيـت اقررهـا بوجدانـي
بندم نـدم ماندمـت بعالمـي زيـة
وش اصدق ونا لي عقـل واعيانـي
يلعن ابو الحب الاعمى لعن ابوحيـة
وسبحان ربن جمع قاصي مع الداني
مسكين ياللي بهالدنيـا علـى النيـه
تاخذك الاقدار الى احساس وجدانـي
انا البشر لو تحـس بنـاري الحيـة
كان اعذرتني على سلاطة السانـي
في وصف اكبر معاناته احصلت لية
امنت بالحب يلعـن جـد شيطانـي
وسحرت كل الحروف بقافيـة حيـة
ترجمتها اشواق تنمو فوق أغصانـي
والورد كانت على الاغصان حورية
يقطر عليها الندى من عطر ألحانـي
وضاع العمر في شعر واحساس حنية
وطريق واحد الـى سكنـاه ودانـي
وطارت حماة غلا قلبي مـن الكيـة
اللي لظاها من الطايـف لنجرانـي
يامدعين الهـوى لـو الهـوى ليـه
سالت على اثـر الاشعـار وديانـي
وصلاة ربي عـدد ماحـل طاريّـه
نبينا المصطفى من نسـل عدنانـي
بقم اخوكم نايف الذويبي العتيبي
تعليق