تويت
تعريفة الأحزان
تعريفة الأحزان
************
أنا فهمي على قديمعرفش ف الحسبه
ولا بكتب المراسيل
بالمختصرأٌمي
الذنب مش ذني
ولا ذنب ابويا هلال
سبني علي عندي
**********
أنا أصلي براوي
غاوي انط السور
اجرياربي حمام
واوكل الجديان
كم مره جاله جواب
م المدرسه بحالي
قالي ساعتها:خلاص
لا علام هتتعلم
يعني هتبقى وزير
اقعد هنا جنبي
وكن سند ضهري
من يومها وانا واقف
محرات وساقيه وتور
الزرعه خوانه
مرة تكون لك ام
تجري عليك وتضم
مره تكون غوله
مهبوله وثقيله
تبعت دراعتها
ف الارض والمحاصيل
مخلصش م الدوده
والحصده تتاكل
من طوبه او امشير
انفض إيدي واقوم
واقول :يانا يا حظي
ملي شانا ف الزرع
منحوس قوي وغشيم
***********
قلي تعال العصر
حمل مع العمال
عمك ابويا خليل
ناوي يبيع القطن
وفضلت على دا الحال
كتفي تملي يميل
وعنيا مكسوره
لحد م قبلني
صاحبي على الترعه
وطلب إيد ين اختي
وقالي :خد أختي
حلوه وبكريه
والضحكه من صوتها بتنور الدنيا
وهيبقى يا سيدي
دقيقنا في زيتنا
وربنا وفق
وعرفت اتأهل
عمي شرالي دولاب
وسرير وطبليه
وعطاني سكروته
بيضا ومكويه
وبنالي فوق السطح
شقه عال العال
واهى زهزهت ليا
طلعت على السلم زغروده حوليا
والكعب متحني
وهزت الخلخال
وانا اتشبك قلبي
وعشت ف الاحلام أيام وبتمنى
يرزقني ست عيال
ونسيت وانا شبعان
الجيب اهو فاضي
والحظ متعافي
غاوي يعاكسني
تعريفة الاحزان لازقه اهي ف جيبي
والفقر داقق لي مسمار ف حيط البيت
وبرده مش هسكت
****************
قالوا صاحبنا صلاح
هيسافر البندر
ومصنع الأسمنت محتاج هناك عمال
وكمان فواعليه
ارجع من الأول
كتفي تملي يميل
وعنيا مكسوره
وعنيا مكسوره
---------------
14/5/2009
نهى رجب محمد
ريشة المطر
تعليق