تويت
قصيده بعنوان ( الاعجاز العلمى فى الحزب الوطنى )
كتبت على اثر اعلان نتائج الانتخابات المزوره
لعام 2010
ــــــــــــــــــــــــــــــــــــــــــــــــــ ــــــ
بطوى مرار الصبر ويكش اقدر
اصلى على طيه منيش قادر
وكل ما زاد الصبر يقولوبس اصبر
ونسيو انى _ البعيد _ شاعر
شاعر واذا سكت صوتى اتحرك
لسانى وكيانى
ولامرهم بسكوتى ما يسمع ضميرى
ولا تسمع ودانى
يابلد فيها من العجب اشد العجب
يحصل فيها الشئ من غير سبب
حلو فيها النفاق وحرام الادب
الصبر نجح فى كل البلاد
وعندينا رسب
والظلم اتمنع فى كل الوجود
وعندينا وجب
والشاعر اتسمع فى كل الاماكن
وعندينا ندب
ملانا الخوف والجوع
وكل شقانا يضيع
وسور الذل عالى منيع
وكل خيرنا اتنهب
ملك البلاد لصوص وخونه
ووطنا اتقسم حوارى عزب
يابلد فيها من العجب اشد العجب
يابلادى
اذا سكت فيكى يقولو بيخطط
واذا اتكلمت يقولوا بتلخبط
مبقتش عارف كيف اكون
وقلبى مليان منيكى غضب
واذا ربيت دقنى اومشيت ورا دينى
ابقى ارهابى وعميل ومش بعيد ابقى
صهيونى
وان على صوتى ابقى خطير
ومثير للشغب
يامصر
قابل فيكى كل البلاوى
وحلوك ومرك سمعته غناوى
بتجرح فيكى وحبك لجرحى
بيدواى
لكن غزاتك من حماتك
ذلونى وسرقوكى
وملوكى حكاوى
كارهم والله بقلبى . ساببهم بصوتى
ولصوتى بخبى . وقهرنى سكوتى
ومكنتش فى حياتى لاوى
ودمى بيتنزف حزن واسى
ياترى فى شرعهم
دمى كام يساوى
يابلد
اتحرم فيكى الغلابه
واتولى عليكى الديابه
عاشو القسوه ونسيو الطيابه
للغزاه باعو خيرك
وخلو الكدب يبقى سيرك
والنفاق ليهم سفيرك
وخلو جنتك تبقى غابه
وحامى حماك للاسف
كبير العصابه
شيلتك يامصر سنين فرحى
وسنين همومى
اتكسر واتوجع وارقد
بس انت تقومى
ادى العمر كله بين ايديكى
وسنينه مرهونه عليكى
يفنى ويعاد
يقاسى البعاد
كله يموت بس انتى تدومى
كنت باسمع ياما ناس
يقولو عليكى اصل كل اساس
احتار فيكى كتير وقليل
فيه اللى قال 80 مليون فرعون
وفيه اللى غنى 80 مليون
احساس
عامله يامصر زى جنه محروسه بالشيطان
بيعاملو ناسك معامله
ميتعملهاش انسان
شيطان تحت منه شياطين
نهبوك من غير ادب ولا حياء
ولا دين
واهلك يقاسو الذل فيكى سنين
يامصر فى غزاتك . وبعدين ؟
الكيل طفح وبظلم ولاتك
نطق الزمان
حزب وطنى ما يعرف فيكى شى
يراسه حاكم مالوش زى
هد فيكى اللى ناصر بناه
واللى السادات بدمنا علاه
وعلى كل الامور ولى ضناه
وعلى كل مصرى مهما يتوجع
مهما يتكسر
مهما يتظلم
ميقولش اى
حزب شؤم كله ظلم
وبهتان
كباره مايعرفوش حرام
ولادين ولا ايمان
ظلم وحقاره . والسرقه اداره
واعضاؤه لسانهم
اقذر لسان
بينقط نفاق
ميلاقو عدل ليقاولو
حزبنا الوطنى شرعيته فى القران
ورجاله سلاطين القمع
انا بشوفهم من عجايب
الدنيا السبع
اصل اللى يزور اراده
ويمارس ع الحقرا السياده
وهو عصبجى
كداب
يبقى للعجايب مصدر ونبع
نفسى يامصر اشوفك
واقفه ليهم وكاسره خوفك
عمرك يابلد ما كنتى جبانه
ولا بالذل ترضى
ليه شايفهم خاينين الامانه
ومش راضيه تصدى
نهبوك يامصر وسرقوكى
وعلى حبل الفقر شنقوكى
نحلو من جسمك الغالى
ومن مر الذل قالو دوقى
مش ياسان يامصر والله
ومستنى تروقى
واملى فى ربى كبير
وفى اهلك وناسك
قبل موتك تصحى تفوقى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
قصيده منعت فى اكثر من مناسبه وحان الان لالقائها
بعد الثوره المصريه المجيده
ثورة 25 يناير
شكرا لمروركم
محمود سليمان
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
قصيده منعت فى اكثر من مناسبه وحان الان لالقائها
بعد الثوره المصريه المجيده
ثورة 25 يناير
شكرا لمروركم
محمود سليمان