إللى كان ...

عمرو عبدالرؤوف

عضو الملتقى

تاريخ التسجيل: 18-05-2007

المشاركات: 320
- مشاركة
- تويت
#1

إللى كان ...

13-03-2008, 21:39

كبر إللى كان ...
ما بين إديكى صغيير
إتغيير
واتعلم القسوه
مقدرش ينسى إللى كان ...

****

كان ياما كان
فرح كان ... حكايه
وبنت جمالها آيه
واقفه ف نهاية الصوره
وف نفس الصوره
ولد اسمرانى حليوه
شغال ف بنك
وشكله ف البدله ... حكايه
بسرعة
جرى الولد
ودخل ف قصه...
ملوش فيها حكايه

****

كان ...
قناعى خفيف
يدوب بيستر ...
عيوب قديمه ف ملامحى
لكنه لا خبى بسمتى
ولا خبى نبض قلبى
ولا خبى لونى القمحى

كان ...
قناعك تقيل
مكنتش اعرف
إن مع الشعر الطويل
حكاوى لسه مضفـّره
وشلتها بايدى أنا ...
رغم جرحى
مكنتش اعرف
ان العيون الفرحانين
مكنوش فرحانين ...
عشان فرحى
ومكنتش اعرف
ان السلام
وان الكلام
وان الغرام
سكاكين من ورا الاحضان
ناويين على دبحى
دلوقتى...
شايله بذور الامل
راجعه...
تجمعينى ف يوم طرحى
وكأن إللى كان ... عمره ما كان
أحب أقولك
كبر إللى كان
ما بين إديكى صغيير
إتغيير
إتعلم القسوه
ومقدرش ينسى إللى كان

[size=5][B][align=center]لم نفترق
بل عُدنا نبحث عنا
بأجسادٍ ُأخرى،
لم نفترق
بل أعدنا سمات الكون
حين أسقطنا أوراق الخريف
ما بين الصيف والشتاء[/align][/B][/size]
الكلمات الدلالية (Tags): لا يوجد

إللى كان ...

ما الذي يحدث