تويت
رسالة إلي الفلول
====
====
====
====
====
و بقيت بتتعايق
بالثوره يا ريق
و بقيت بتتضايق
لو ضربوا فيك شلوت
طب ما إنت مش فايق
و ف القرود لازق
ياما عشت بتنافق
و ياما كلت بالنبوت
فاكر زمان لمّا
فرّطت في الذِمه
و جحدت بالنِعمه
و راهِنت ع المَلطوت
راجِع تِقول قِسمه
و راكِب ليّ دي النَـغـَمه
و فاكرني مش فاهمه
إنك حويط مغلوط
زي الفيران جُحرك
بَلسَم كَلام سِحرك
وقت الخَطر تِسلك
جوه البُحور و تْفـوت
نِهدا و نِتحرك
تِعمِلـّنا فذلك
إرحَمّنا يا فـَرّتك
مَبَقِتش لينا مَحْطوت
مَنفوخ و هَتفرقع
و عَامللي واد مَجدع
مبقتش أنا بفزع
يا أبو الدماغ مخبوط
هترق و تهزر
تعملي كام منظر
مبقتش أنا بقدر
ع الضحك يا كتكوت
يا ابو دم متعصر
و رصيد بيتحظر
ليه بس متكدر ؟؟
عشان أنا مبسوط !
هتزكي ملاينك
هترد من دينك
م القلب كارهينك
نتمني ليك الموت
و إن كنت جاي تفتي
و تقول كلام وقتي
يبقي إنت متغطي
و فاكرني ف الملكوت
و طالعلي ع الشاشه
بضحكه و نغاشه
لامؤاخذه يا باشا
شكلك كئيب مكبوت
مرسوم عليك شامه
بتداوي ف ملامه
ياخساره يا ندامه
راحت علي الهلفوت
مسكتك الدايره
و شربت أنا الفايره
كراسيك خلاص غايره
و قعدت ع البسكوت
ما نهبت ف جيوبنا
زودت ف عيوبنا
م الخوف خلاص طيبنا
و طلعلنا مية صوت
روح أمشي و إتمشي
سيبنا إحنا نتعشي
شبعتنا إنشا
و سمعنا م الملتوت
و ارحمنا و انسانا
سممت في دوانا
سوست في غِذانا
جبت لنا وبا و هبوط
ارحل بقي شعارنا
متجيش تنورنا
كدبك خلاص زارنا
و الذكريات في تابوت
و إن كنت جاي تِخدم
و لجرحنا تلملم
لا مؤاخذه يا معلم
مبقتش بيك مربوط
طوبتك يا أبو طوبه
راحت لمعطوبه
و الخيبه مسكوبه
مايلمهاش مسطوط
يا أبو ضد أنا ضدك
و مضاده دي وهمك
قصّر بقي ف وقتك
فيلمك دي آخره سقوط
ما فهمت آلاعيبك
و فقست ترتيبك
لو سبتني هسيبك
و هعيش بلاك مبسوط
ملموس و متكهرب
من تيس بيتعقرب
بالكدب بيجرب
يمكن يقوم محطوط
و شايفني متبلطج
بالسيف و متبنطج
و أنا زي ما بتفرج
و بشوف لفجري خطوط
بحلم مع اللمه
و بقوم مع الهمه
ماتهدنيش أزمه
مايهزنيش مخبوط
سامع أنا لبكره
أجمل صدي و فكره
و بقيت أنا بكره
أسمع لحِسّك صوت
زودت أوزارنا
شتت أفكارنا
عليت ف أسوارنا
و كرهنا اسمك موت
خليك كده اتنطط
و أنا بكره هتزقطط
هتروق و تتظبط
و أفتح بخيرها بيوت
من ديوان (( رساله إلي الفلول ))
__________________
====
====
====
====
====
و بقيت بتتعايق
بالثوره يا ريق
و بقيت بتتضايق
لو ضربوا فيك شلوت
طب ما إنت مش فايق
و ف القرود لازق
ياما عشت بتنافق
و ياما كلت بالنبوت
فاكر زمان لمّا
فرّطت في الذِمه
و جحدت بالنِعمه
و راهِنت ع المَلطوت
راجِع تِقول قِسمه
و راكِب ليّ دي النَـغـَمه
و فاكرني مش فاهمه
إنك حويط مغلوط
زي الفيران جُحرك
بَلسَم كَلام سِحرك
وقت الخَطر تِسلك
جوه البُحور و تْفـوت
نِهدا و نِتحرك
تِعمِلـّنا فذلك
إرحَمّنا يا فـَرّتك
مَبَقِتش لينا مَحْطوت
مَنفوخ و هَتفرقع
و عَامللي واد مَجدع
مبقتش أنا بفزع
يا أبو الدماغ مخبوط
هترق و تهزر
تعملي كام منظر
مبقتش أنا بقدر
ع الضحك يا كتكوت
يا ابو دم متعصر
و رصيد بيتحظر
ليه بس متكدر ؟؟
عشان أنا مبسوط !
هتزكي ملاينك
هترد من دينك
م القلب كارهينك
نتمني ليك الموت
و إن كنت جاي تفتي
و تقول كلام وقتي
يبقي إنت متغطي
و فاكرني ف الملكوت
و طالعلي ع الشاشه
بضحكه و نغاشه
لامؤاخذه يا باشا
شكلك كئيب مكبوت
مرسوم عليك شامه
بتداوي ف ملامه
ياخساره يا ندامه
راحت علي الهلفوت
مسكتك الدايره
و شربت أنا الفايره
كراسيك خلاص غايره
و قعدت ع البسكوت
ما نهبت ف جيوبنا
زودت ف عيوبنا
م الخوف خلاص طيبنا
و طلعلنا مية صوت
روح أمشي و إتمشي
سيبنا إحنا نتعشي
شبعتنا إنشا
و سمعنا م الملتوت
و ارحمنا و انسانا
سممت في دوانا
سوست في غِذانا
جبت لنا وبا و هبوط
ارحل بقي شعارنا
متجيش تنورنا
كدبك خلاص زارنا
و الذكريات في تابوت
و إن كنت جاي تِخدم
و لجرحنا تلملم
لا مؤاخذه يا معلم
مبقتش بيك مربوط
طوبتك يا أبو طوبه
راحت لمعطوبه
و الخيبه مسكوبه
مايلمهاش مسطوط
يا أبو ضد أنا ضدك
و مضاده دي وهمك
قصّر بقي ف وقتك
فيلمك دي آخره سقوط
ما فهمت آلاعيبك
و فقست ترتيبك
لو سبتني هسيبك
و هعيش بلاك مبسوط
ملموس و متكهرب
من تيس بيتعقرب
بالكدب بيجرب
يمكن يقوم محطوط
و شايفني متبلطج
بالسيف و متبنطج
و أنا زي ما بتفرج
و بشوف لفجري خطوط
بحلم مع اللمه
و بقوم مع الهمه
ماتهدنيش أزمه
مايهزنيش مخبوط
سامع أنا لبكره
أجمل صدي و فكره
و بقيت أنا بكره
أسمع لحِسّك صوت
زودت أوزارنا
شتت أفكارنا
عليت ف أسوارنا
و كرهنا اسمك موت
خليك كده اتنطط
و أنا بكره هتزقطط
هتروق و تتظبط
و أفتح بخيرها بيوت
من ديوان (( رساله إلي الفلول ))
__________________