التصويت على وسام الشعر العامي .. فشاركوا معنا ...

أحمد على · 20-03-2012, 11:41

السلام عليكم ورحمة الله وبركاته
شكرا للأخت القديرة ماجي نور الدين
لمتابعتها وجهدها المتميز
وشكرا للأستاذ محمد شعبان الموجي ( العميد ) لتعميم الموضوع .

أين تصويتكم أيها الأخوة الكرام !؟

في انتظار مرورك الكريم والتصويت

شكرا لكم ،،

سائد ريان · 20-03-2012, 11:32

تم التصويت مع التحية للجميع

إدارة و إشراف و شعراء كرام و شاعرات كريمات

تحاياي

ماجى نور الدين · 19-03-2012, 20:40

أ. خديجة بن عادل

في حب الأوطان

الظلم هذا طال وزمانو ما نرضاه ..
جيب حقك يا مواطن ولا تستنى واش جاب الحاقد معاه ..
هز راسك في السماء واضرب قرطاسك ولا تخشاه ..
عوّل وقول بإسم الله : هاذي أرضي وعرضي وأنا مولاه .

*********

صال وجال هذا الغدار ..
ماج ونسى أنو زمن العار ..
ماعرف في دنياه ياخذ قرار ..

صابه الجبن ولآذ بالفرار.

**********

لا تقول مال الوطن مجروح..
والعين تبكي وتنوح ..
يا مسافر بلاغ سلامي وين تروح ..
ووصايتي ليك راية الحق خليها في دربك تفوح .

************

تهمتي أني بنت بلادي عربية مهما قالوا عدياني..
ما أخاف مادام راسي في السماء يدادي ..
والله لرفع رايتك يا جزاير ولو هي أخر أيامي ..
الحمد لله بأسلافك وحكمتك أنا بعتز فيك يا أرض أجدادي ..

*****************

كتب التاريخ ..يا مصر ثورتك ..
ويشهد عليّ الله أني جيتك ..يا نيل ورفعت رايتك ..
شاركتك همومك و..محنتك ..
و أني زرت الحسين.. وأترحمت عن شهيدك في جمعتك.

***************

أش خلا الدكتاتور في البلاد غير التهوال ..
جار ، وصال ونسى أنها دنيا فانية مآلها للزوال ..
طال البال في انتظاره يا مرسال ..
وفجر غدوة ماشي بعيد المنال.

****************

ما الشعر الا كلام كلو قافية موزون ..
ويشهد علينا القلم ومايسطرون ..
محبتك في القلب يا أمي أنت والوطن ..
وحدة مايخلتف فيها اثنان .

*****************

رمح اليقين واحد
ونور الضحى يشرق بالوعود
يصدح في سماء الطغيان بالرعود
ويزيح كل ريب من درب الصدود

*****************

بجاه الحبيب المصطفى حقق مناه ..
هذا يا لميمة ولدك شهيد ربي يطيب ثراه ..
راه سجل اسمه في التاريخ من قهر دماه ..
خليه يكتبلو الله الجنة في سماه .

**************

لوقالو وين الجمال مرآه ..نقولهم يا قاصد النيل روح شوف سخاه
شفت الأصل في الشجرة والحجرة ...نهرو ثاير في حماه
يا زاير لأم الدنيا بلاغ سلامي للحاير... وقولو القلب والرب معاه
وبإذن الله مصر في يد أمينة ...حاميها هم شبابها مكتوبين في سماه .

**********

ماجى نور الدين · 19-03-2012, 20:40

أ.مدحت عطية

ناديت عليكى

سألت ..في بعدك
كل الشوارع
ناديت عليكى
في أدان الجوامع
جريت
مسكت شمعة
وناديت
خانتنى دمعة
وبكيت

بقلب .. أم
تاه وليدها
بدمع طفلة
سرقوا .. عيدها
بجناح طير
مكسور
بصوت مظلوم
ورا .. سور

ناديت .. مع إنى
صوتى هرب منى
صرخت .. مع إنى
الصرخه بتهنى
وبرضة .. ناديت عليكى

يمكن
ضعتى منى
ويمكن .. تهتى عنى
بس حنادى
وحدور على منادى
صعب أعيش بعيد
عن أرضى .. وبلادى
*********************
ياحيطان بيتنا
يالحضنتى .. لمتنا
فكرك اللمة هتعود
ولا بدينا فى غربتنا
**********************

رغم البعاد

الـ بنا

حبيت الآه

إلـ طالعة منا

رغم الحزانا

غيرنا

حبيت .. الدمعة إلـ بنا

******************

ده الجرح صاب الأمل

وعينه علي القلب .. ناوى
***************
ياما شفت جناين
من غير شجر
ياما حسيت البرد
ياما شتت
من غير .. مطر
***************
رغم إنك.. صورة
وملامح .. بالحزن مكسورة
رغم كونك .. ورقة
أطرافها مبتورة
بنده عليكى .. بتردى
ومن لحظة لتانية .. بتعدى
****************

كتير الحدود

فوقينا .. حيطان
ايدينا مش طايله
حوالينا .. جدران

عمر حيران
ورا قضبان
نهاره عتمه

وليله .. غضبان

**********

ماجى نور الدين · 19-03-2012, 20:39

أ.مايكل السيد

قصيدة تغير اللوحات الفنيه

يــا أمـي مـــالـك زعـلانــه ولابــســـة الـثـيـاب الأسـود وشـا يـلـه الـهـمـوم لــيــه

الـشـمـس مـش عـايـزة تـشـرق يـا أبـنـي مـش عـارفـه الـظـلام عـاوز مـنـنـا أيـه

وثــــيـــابـــي فـــي الأصــل ابـيـض الـظـلام والـقـلـوب السـوده هـي غـطـت عـلـيه

يــــا أمــي أتــركــي الــشــروق لـلـخـالـق نــور الله وحـده عن قـريب هيؤمر بيه

إمـتـا يـا إبـنـي الــشــمــس تـشــرق فـي الــوطن تـقضـى وتــنهـى علي الـغـيـمـه

يــا أمــي ربــنـا حــنـون أكـيد شايـف الـظـلام وأنـا واثـق فيه عن قريب هيـنـهـيـه

يــا أبـنـي خـلاص الــتــاريـــخ ســجــل وصــور فـــنـون قـتـال الـدول الرومانيه

ورســم وطــنـي عـلـي شـكـل صـور فـيـهـا الـغـاز تـحـير فهمها لدي الناس العاديه

وأشــهــر الـلـوحـات بـعـنـوان فـنـون تـقـلـيـدية من إحـدي أهم الأعـمـال الأدبيه

وفـي الـلـوحـــة الـشــمــس غـابـت قـرون والجمال في الـرسمـة إخـتفي كل معانيه

تــأمل الـرسمـه عـن قـرب تـشـاهـد الـمـرسـوم قـبـر مـظـلم داخـل لـوحه فـنـيه

وفـيـه هـيـاكـل عـظـمـية و شـيـوخ وأطـفـال وظل شاب بارز قطع ساقيه ويـديـــه

وفـي الـرسمـة جـثـث أطـفـال وغـربـان تــنـهـش تعبر عن الخراب إللي إحنا فيه

وطــيـورالـظـلام دفـــن الـوطن وقـضـي عـلـي زهـرة شبـابـه والظل بارز معانيه

والـكـفـن بـارز فــــي الـرسـمـه الـوطـن لاف كل شـعـبـه داخل مـقـابـر جـمـاعـيــه

وإطـــار الـلـوحـة ثـعـبـان جـميـل يخدع ويلدغ داخله السم لف الكرة الأرضيه

والـتـوقـيـع سـكـيـن عـلـي الـرسـمـه وتـوزيـع الـدم بـالفرشـة يسبب حالة نفسيه

وعــرض الـلـوحـة ليس في متاحف عرض اللوحة علي المعارض ظهر الإ نسانيه

يـا أمـي ربـنـا بـكـرة يـشـرق بـنـوره ونـعـيـد رســــم أهـــم الــصورالــتاريـخـيـه

وسـمــاؤك هـيـكـون فـي الـصبـاح لامـع يـسعـد ويـبهـج كـل الـشعوب الـعربيه

ونـرسـم فـراشـات وعـصفـور ونـرسـم طـيـور و زهـور بـدمـج الألوان الطبيعية

ونـرسـم فـي الـسمـاء قـمـر بـنـور يـعـكـس شـعـاع نـورعـلي الـنجوم من حواليه

ونـرسم قـلـب أبـيـض شـفـاف يـعـكـس ضـوء الـطيـف يـعبـرعـن الـمحبة الحقيقيه

ونـرسم بـألـوان الـطيف الـسماء مع الـشمس الـمشرقه تجمل أجوائنا الوطنيه

ويتساقط الطيف مع قطرات المطر منور يغسل الظلام و يضئ قلوب الناس الداخليه

ونــرسم باللـون الأحمر من الطيف تذكير بدماء الشهداء علي كل الفرش الثقافيه

واللــون الــبرتـقـالـي فـرحة وبـهجـة بشروق الشمس علي كل الشعوب المصريه

ودمـج ألـوان الـطيف فــي البـالـتـة نـعلـم الابـداع فـن اصول تغيراللوحات الفنيه

بقلم جرجس فاروق بهنان

05 يونيو, 2011

***********************

ده ظلام الكون الكبير لا يطفئ نور شمعه

تبكي يعون عتير تنزل بنور لمعه

تحترق شموع تضئ تنور العتمه

لكل سفاك دماء شهيد الشهيد للجنه

***************

ماجى نور الدين · 19-03-2012, 20:36

أ / نهى رجب محمد

أم الشُهدا

إهداء:

إلى الأم الصابرة الدامعة وسط الحشود،لعل جراحها تندمل.

أم الشُهدا

------------
هلبس سواد كل الليالي بعدهم

صعيدية من ابويا وجدودي

معجونة من طمي البلد دي

********

ولدي صَغِير

وجعي كَبير

مش عارفة أوصف أشتكي

الحزن فاق حد البُكا

حد النواح

**********

سبعين ملاك طاروا النهرده لعرشهمْ

متجمعين عند النبي

والجمع خير

يارب طَبِب جرحهم

خَفِف وَجِيعة أمهم

لما تناجي ربها

ساعة الصلا

وتقول بحرقة قلبها:

يارب نور لي الطريق

علشان أشوف

آخد بتاري م اللي طَفا شمعتي

أشفي غليلي م اللي فاق ف الظلم حد البلطجة

مبقتش عارفه أروح لمين

أشكي لمين؟

كل الطرق متْلَغمة بالأسئلة

متسوَره بالخوف

مبقتش قادره أمشي فين

نظري ضعيف،والسكة محتاجة الصديق

والضباب كاسي الشوارع والحواري والبيوت

قلبي تبوت

رَاقِد ف صدري طفل خايف

نفْسُه يلعب ف الخلا

أو نفسه يطلع للسطوح

وانا نفسي اموت

************

الوقت مش وقت السكوت

لازم نكون قد الحياه

قد الحقايق اللي واضحة ع السطور

مبقتش محتاجة الحكاية أي راوي أو بطل

اتلخبط الورق الملون

والغش في اللعب انكشف

ومكنش هوا دا الولد اللي يُقش

هواللي يعجب البنات

***********

اِصحا يا نايم م السُبَات

صهلل وركز ف اللي جاي

اتمسكوا بأدب الحوار

أدب الكُبار

لما يغوصوا في البحار

ويطلعوا دُرر الكلام

ويفَهموا كل اللي غافل

أصل الحكاية:

(الأم واحدة والإله واحد أحد

والولاد متفرقين

والوقت وقت المغربية

والغول مِرَكب ألف وش

علشان نصدق لعبته

واحنا عيال متْغَميين

وكلين حلاوته بالخداع

ماشيين ف إيده

إمتى هنِوْعا؟

ونشوفو بالوش الحقيقي؟)

وبلاش نتوه

عدينا مرحلة الهُتاف

علشان نجدف مخلصين

ناحية طريق المصلحين

لازم نكون قَدْالحياه

ونعدِي للبر الامين

من غير تَهور أو جنون

عايزين نقوم

عايزين نقوم

((قُوم يامصري مصر دايما بتناديك..........))

ريحة الجنة

----------

تيجي نسميكي أميره

نتلم كلنا ف الصوره

عايزين شباب من غير حيره

عارفين مكانهم ف الجنه

قاعد شهيدهم ف الكوشة

وعروستو لايقه ف الحنه

دي أحلى ريحه ريحت الجنه

----------

نهى رجب محمد

ريشة المطر

*****************

قادر على جبر الخواطر ياإلاهي ،طِبب الموجُوع

وافتح ببان الصبر للمفجوع

الحق واحد في الطريق والشراع مرفوع

صامد بيحفر الحقايق وصوته صوت مسموع

-------

نهى رجب محمد

ريشة المطر

****************

وادِي الطريق صاحي

الخطوه وثّابه والإيد دي شغاله

والحق اهو بَاهي

اولادنا عارفينهم وابن العِدا لَاهي

اقلامناعطشانة والحبر ف دمانا

وفقنا يا إلاهي

-----------------

نهى رجب محمد

ريشة المطر

**************

طلع النهار صحيو العيال

ولكل واحد ألف مطلب شيء خيال

هما الطيور الفرحانين م عرفو يوم طعم المُحال

عايزين جناين والزحاليق الكبيرة والحبال

انتو الكبار ف أديكو فوانيس الأمآل

***************

بدي أطير وأزور مقامك يا نبي

وادعي ف صلاتي لجلن الليل الطويل دا ينجلي

الحق أبيض والشباب ثابت بروحه يفتدي

والدم فاير ف العروق

إمتى هننزل في محطة نرتوي؟

يا أحلي أرض وأحلي أم واحلي غنوة ف سهرتي

يا يمه نفسي تبقى إديكي مخدتي

----------------------

نهى رجب محمد

ريشة المطر

***********

ياما نسينا الضحك وارتعبنا من قريب وبعيد

لكن النهردا الحلم أخضر لابس جديد ف جديد

حلم ب بيوت عمرانه خير وإيدين حديد

تكتب على ورق الزمن رحلة شهيد

--------------------------------

رصف الطريق ،غرس الشجر ،وزّع ع الغلابه سميد(ط)

يارب ما تحكم نكون لغير وجهك عبيد

إحنا النحيل عمرو م نام عزمه دا عزم شديد

والنيل أبونا وجدنا الجدر مصري والفروع بتزيد

----------------------

نهى رجب محمد

ريشة المطر

*******************

نواره

__

نوّاره فلاحه اللكنه صعديه

والضحكه مشاألله متقولش دي بهيه

الوش بدر تمام خجلان ورا الطرحه

الطرحه تل شيفون لفابحنيه

---------------

شغاله ساقية نورفي الغيط اهي دايره

في البيت شموع قايده

من حلب أو لطحين أو عجن شعريه

الله على فطيرهاولا الملوخيه

يارب إديها على قد دي النيه

------------------

نهى رجب محمد

ريشة المطر

***************

(ز)

زاهيه تيابك يا صبيه

ياريتني كنت معديه

نروح نزور خالتي سنيه

ناكل سوداني ولب أبيض ،والحلو ُذره مشويه

-------------------

وأشتريلك عقد الفل ،وأعيش معاكي رومنسيه

حبيت عنيكي العسليه ،أنا قتيل( العسليه)

خُدي دوقي حته وادعيلي

أصل الحلاوه مصريه

منها اللي مكسي بالسمسم، وفيها محشي عجميه

يا حلوه ليه بدوبي كسوف

حِلمك على قلبي شويه

أنا عشقتك وإنتي صُغار

ياسين دا مخلوق لبهيه

------------------

نهى رجب محمد

ريشة المطر

*************

ليه يا ضنايا لمّا تييجي ف المنام دايما بشوف دمعة عنيك؟

وتضمني لصدرك ،تطفّي لوعتي بلهفة إديك

*يا يُمه ليه بتدمعي وبسرعه تخفي دمعتك؟

-يا حبيب اخواتك الخمسه وقلب أمك ،يا عصاية ابوك

------------------

القلب موجوع بالقوي وعمرو أبدا ما نسيك

لمّا تهز بالعصا تتهجى طعم فرحتك

وتلم لفوق كِمامك ،ترقص صعيدى وسط إعمامك

وتدي ورقه بعشرة لعروسة اخوك

--------------------

كنت الكبير يا رتني أقدر أشترى عُمْر ليك

يارب طفي الجرح بالملح الرشيدي ولا خدني ليك

------------------

نهى رجب محمد

ريشة المطر

***********

لحد إمتىيفضلوا متخبيين خلف الوشوش الطيبه؟

إحنا عرفنا كدبهم،أصل قلوبنا مؤمنه

تعرف تميز إيد حبيب من الإيدين المُجرمه

والغولة واضحه للعيال،مهما تقول :دنا ماما صادقه حنينه

---------------

نهى رجب محمد

ريشة المطر

************

أنا من ترابك سنبله

قدري أعيش متغربه

وانتي حبيبه قريبه

والحلم أخضر والسواقي منوره

----------

نهى رجب محمد

ريشة المطر

*****************

ماجى نور الدين · 19-03-2012, 20:34

أ. سامية عبد الرحيم

فين التغيير

*******

يا للي أخدت ع الذل

ورضيت تعيش ف الظلم

تصحى وتنام في الهم

شالوا رئيس

حطوا وزير

وجوا منك مفيش تغيير

دا موظف عايش بالرشوة

ودا مواطن بيعتبرها أهوة

والوسيط بيقول مليش دعوة

قلنا حرام وابعدوا عنها

قالوا مشيها قليلة وكتيرة

دي المصلحة مركونة بالمينا

خد عندك بياع اللحمة

غلاها وزود الأزمة

والا العيش أبو ردة

عشان تشتريه بالهدة

والطماطم ولامؤاخذة

زودوها جنيه انهاردة

ياعاااالم فين التغيير

والتسعيرة زادت كتير

ليه تطاطي راسك

وترضى بضيق حالك

قول لاء ولا تشتريش

ومتخافش م اللي مبيختشيش

إوعى تقول أنا عايز آكل عيش

وخايف أقول لاء ملاقيش

في يوم

حِتة جبنة ولا شوية أرائيش

*************

كتير على صدرك سندت دماغي وكتافي

ومن صوتك الحنين سمعت أجمل الغناوي

دارت الأيام وصحيت على صوت تاني

رصاص وبارود بيرعد ف وداني

وصوت ف الريح بيقلع الصخر أدامي

ووحوش سودة بتهجم ع اللي بيصرخ ويلالي

***********

مين اللي خلى ولادك عبيد !؟

ياللي هلالك زي هلال العيد

شايلين أحمال ،جبال وحديد

وف كل خطوة يفرقع ديناميت

*********

دم الشهيد مش حنفرط فيه

ولا حنسيبه يضيع ونطويه

حلمه كان حلمنا وراح يفديه

ومكانه ف الجنة وبالورود نهديه

*********

ربك كبير يا أستاذ إبراهيم

قادر يجمعنا عرب ومصريين

ويوحد كلمتنا ونخزي اللئيم

ويفرح أمتنا بالنصر المبين

**********

بالعزيمة والإرادة هنشفي جراح بلدنا

نبني ونعمر ونحط إيدينا بإيدين إخوانا

لأمريكا ولا إسرائيل حتفك تماسكنا

دا مصر الأمن والأمان لولادها وولادنا

**********

كلام كتير مصحوب بلحن جميل

يِرَقَّص البسمة على شط النيل

وبلدنا بقيت عروسة نغنيلها مواويل

ووقت العمل

تختفي الألحان ويشتد سواد الليل

**********

ماجى نور الدين · 19-03-2012, 20:33

أ. عمرو محمد

خطوة كمان..

_________

الميتين على التراب

اللى داقو حبة هوا

مليان نفسك

لم يشبعوا من حسنك

ياست الحسن

حسنك عذاب

ومع ذلك

مفيش منطق

انهم يكملوا..خطوة

لكن خطوة

كمان..ماهيش خطرة

عشان يخلصوا على

فيهم وفيكى من عذاب ..

المتمسكين بكونك..كون

لم يعشقوا الا اللون

السماوى ...

ولونك لساة

رغم الجراح الطيبة ..سماوى

صوتك..سماوى

بيرجّ القلوب الطيبة

وأزى منموتش

فدا الخطوة

لو الخطوة

هتخلى الأحلام قريبة..

بعيدة بُعد القرب

وقريبة قرب البٌعد..

لكن مش غريبة ..

عن صور الذهن ..

فى لحظة صفاء..

المغرب..كان عصفور ارجوانى

بيحطّ على الشباك

نسى يروح العش

نسى ينساك

فضل لحد لما اختفت الطيارات الورق

اللى حجبت الليل..

يمكن السواد

مش دليل على قلب الليل

لكن الأكيد

ان الطعم لساة

مختلط بالجرح..

والجرح قرب يطيب ياست الحسن..

************************

وكل ما بتزيد مسافة البعد

بتكونى هنا بليل وتطمنينى

ازى هنسى الوعد

وانتى بدعوتك لم تفوتينى ..

****************************

رحمة ربنا متجسدة فيكى

ياعطية بلا آخر

ومهما اقول فيكى ما يكفيكى

هفضل محقوقلك لحد الأخر..

********************************

ترضى بكل أفعالى

واغنى حزن

ترضى بموالى

وليكى بحن

وانتى اول واخر ترحالى

*********

راح العمر ولا مضى

صوتك لحظة الميلاد لسه محاوط

وارجع اجتاز الفضا

مهما الليل عنا مباعد..

*******

درب الحياة خطاوى

بروح وأجى وأرجعلك

أزى أكون نسّاى

وبرتاح لما بأربع حروف أندهلك..

********

مداليتى من غير مفاتيح

دعوتها فاتحتلى البيبان

وازى اعيش فى تجاريح

وفى كل لحظة فرحها عليا بان ..

*******

مرتاحة الروح وياكى

ساعة ما بيصفى النيل

ازى بس اتغرب وانساكى

وكل شئ فيكى جميل

********

ماجى نور الدين · 19-03-2012, 20:32

أ. حسن سعد حسن

ملعون أبوه

يلعن أبو الملعون

لاعنها

وإللى هرب

ملاعينها

وإللى ضربها فى

عينها

واللى ما فكر

يعينها

والعميل اللى

بايعها

واللى ساب خيرها

لغيرها

واللى عايز حتة

منها

واللى مانع خيره

عنها

واللى حاطط عينه

منها

واللى لوث مرة

نيلها

واللى سب مرة

دينها

واللى باع د ينا

ود ينها

واللى غرقها فى

دينها

واللى من خيبته

يد ينها

واللى بايع

مصا نعها

واللى جرف

مزارعها

واللى قل من

عالِمها

واللى مش رافع

علمها

واللى قصف يوم

قلمها

واللى عجزها فى

شبابها

واللى ساب للص

بابها

واللى ما صانش

عتبها

واللى بهد ل فى

شبا بها

واللى د لع فى

كلا بها

واللى هان فى يوم

أد يبها

واللى نجس يوم

ترابها

خلى بالكم من

غضبها

ربنا ما يعينكوا

منها

واللى مش عجباه

يسيبها

إحنا اللى عارفين

وجعها

نموتوا وما نشفوش

دموعها

أيوه فعلا

تعبا نين

لكننا قابلين

دلعها

ماجى نور الدين · 19-03-2012, 20:31

مشاركات
أ.إبراهيم خالد أحمد شوك

بطاقة حب

شِعرى أصيلْ

خالى من الكذبْ والزيفْ

سامى نبيلْ

مابغشى الضلال والخوفْ

يعلو نذالة التحريفْ

فوق صدرك تشيلو وسامْ

وللجايين حيبقى سلامْ

عشانك شعرى قلتو عديلْ

فى وجه الأمن والجلادْ

فى وجه الفُرقة والأحقادْ

عشانك إنت ياسودان

عشان بيسطر التأريخْ

بأرض العِزة والأمجادْ

نهض ابريلْ

صَحّ اكتوبر التهليلْ

وفاض النيلْ

علينا جميع عمّ الخيرْ

ملت الفرحة مليون ميلْ

وبى نصرك ياسودان

صبح دارنا سلام وأمانْ

والف شهيدْ

فى وجه الطاغية والتهديدْ

فى وجه الكبت والتشريدْ

"ينالوا شهادة الأوطانْ"

ولادك عازة مابتتهانْ

وسط صفوفنا مافى جبانْ

افرح ... غَنِّى ياسودانْ

باكر نمسح الأحزانْ

وكل الزرعو فينا زمانْ

ينط ملوال

يشيل شبّال

وعثمان دقنة جانا صباحْ

راكب صهوة الصهّالْ

ومن الغرب زغرودة

تخالط رقصة المردومْ

بلدى عظيمة مابتنطالْ

بلدى وفية ياسفاحْ

ونحن رجالْ

لو إنت عنيدْ

نحن صلابة ... نحن نضالْ

عزم حديدْ

رغم الرهبة والسجّانْ

"نحمى قداسة الأوطانْ"

نحن القوة والجبروتْ

عايش فينا صوت شيكانْ

وصوت كررى

يجلجل داوى كالآذانْ

مابنرضى نعيش فى هوانْ

سَجِّل لينا يا تأريخ

روح اكتوبر العائد فى ابريل

يجدّد صحوة السودانْ

عشانك شعرى ....

صدق شعورْ

حب ممزوج ....

بفيض من نورْ

يزوِّد شحنة التحريرْ

بسيف النصر والتطهيرْ

والتحذيرْ لكل دخيلْ

لكل عميلْ

عشانك إنت ياسودانْ

نجود بدمانا

ليكَ نجيرْ

عليك نغيرْ

وتسلم لينا ياسودانْ

تسلم لينا ياسودانْ

***************

ليك الحب من غير مَنْ
امى ياغالية يارمز الِحنْ
قصدى رضاك لوكان ممكنْ
انتِ عفوك ماليهو تمنْ
*************************

امى يارايعه يانبع الحنانْ

ريدك مابزول رغم البكون والكانْ

البسيب قُربك اكيد بتهانْ

يعيش فى جفا وتتقاذو الاحزانْ
**********************

بى لقاكِ النفس تفرح وتستريح

الامل ازهر وفتّح لاهو ذابل لاكسيح

القلب يا امى طفّر وفرّ من حضنو الجريح

تسلمى لى وتنجى من كل شى قبيح
*************************

ربيع عمرك خلّى فى خدمة وطنك

تعزّك بلدك وتجنى كرامة وصحة بدنك

ما تفرّط في بلدك وحسّن في اخوانك ظنّك

كل بلاد العالم تصبح دونك وتجتاز مِحَنك
******************************

كيف أنسى هواك يا وطن

هواك الزاد والفرح والسكن

ريدتى صادقة من غير تمن

ان فُتّ قربك يهزمنى الوهن
**********************

يسوقنى ليك الشوق دوام

ياوطن عزك معلق فى الغمام

حبك أصونو واضمو لَىْ أغلى وسام

متين ترفرف عالية رايات السلام
**********************

رحلت بعيد عنك لكن قلبى معاك

ياوطن العز فى كل بديع القاك

جواى حاضن صورتك ومعناك

يارب تسلم وتهزم من عاداك

****************

لمتين نعادى بعضنا ونسيب الأوطان تعانى

ونهد البنوه الفاتو نبدا البنيان من تانى

كل النفوس متشاحنة بالغل دوام مليانى

تعالو نصافى بعضنا ونعيش فى جو انسانى
******************
هنا مربط الفرس كيف نواجه ضعفنا
نحلحل مشاكل الوطن ونقدّما على همّنا
كل واحد يقوم بى واجبو ونساعد بَعْضَنا
يَعُم التسامح مجتمعنا ونجنى ثمر حُبَنا
*****************
هاكم يا إخوانى العرب منى رساله
احسن نبنى بلادنا ومانعيش عاله
اليد العليا افضل دا كلام صاحب الرساله
مانصدق البيقول من خاف رَبّى عياله

****************

ماجى نور الدين · 19-03-2012, 20:28

كما تفضل شاعرنا القدير الأستاذ أحمد علي بالآتي :

السلام عليكم ورحمة الله وبركاته
أهلا بكم جميعًا
يرجى ملاحظة الآتي :

التصويت 40% من الدرجات
المرحلة الأولى 20%
فنيات خاصة 10%
المرحلة الثانية 30%
رجاءًا صوتوا الآن
وشكرا لكم .

التصويت على وسام الشعر العامي .. فشاركوا معنا ...

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

التصويت على وسام الشعر العامي .. فشاركوا معنا ...

ما الذي يحدث