[align=center]
كان ياما كان

كان في واد أمور و صغير
له دبه و طياره و كوره
كان بالقلم الروز النونو
بيلون ديل العصفوره
كان يرسم شمس بنضاره
و الأرنوب بيسوق طياره
كان له دنيايا صغنطوطة
جوا الكراسه الأموره
كان له شنطه حلوة جميله
فيها قرش و برايه و صورة
كان له ضحكة بريئه جريئه
بتنور و لا 100 أباجورا
**************
كبر النونو بقي مش نونو
بقي عنده ييجي 6 ايام
نسوه اسمه و صورته ولونه
بقي بيخبط في الأوهام
خنقو الدبه الحلوة حبيبته
سرقوا الشنطة و الأقلام
**************
ليه كل ما نكبر أحلامنا
تصغر و تسافر لبعيد
ليه الناس في الحزن بتضحك
واحنا بنبكي في يوم العيد
**************

ليه الواد الحلو ابو شنطه
مافضلشي صغير أمور
ليه خدو منه حلمو النونو
وادو له اتوبيس مكسور
ليه ماشي يخبط في حياته
سايح مش لاقي الحنتور
كان يا ما كان و يا ريته ما كان
و ياريت اللي ما كانشي كان
بعد ما نروي كلام احزان
نرجع نتألم يا زمان
نرجع نشكي و نحكي ونتعب
نرجع نبكي علي الإنسان[/align]