تويت
ملامح من ذاكرة الجنون
كل ما اكتب
الحروف بتترعش
والسطور دايبة ما تقدر
تحمل المعنى اللى ضايع
في الشعور المنتهى
المسافة بتتنتهى
والدخان رسم القصيدة في الهوا
صور الامانى بتتحرق
دقة الساعات جبل
ويا هزهزة المشاعر
جوه مرجحة الجنون
سيمفونية عشوائية
للألم والاحتمال
لما ابص فى المرايا
ألقى حد تانى ماسك
شاي بلون الليل تقيل
يسكبه فى جوفه اللى شاحح
من طعام الفرحة والقى
فوق كتافه شايل الارض الحزينة
أم جغرافيا الضياع
أم توهان الوليد
جوه رحم الاحتمال
******
اختلال كل الصور
فوق حيطان متشققة
انهيار أبراج قديمة
للامل والانتظار
بسكويت محشى بلبن
شكل عضلات البطل
لما أقوله كش يجرى
يستخبى فى الضياع
أمنا يا أم الألم
مجرى صدرك جاف مشقق
نبته هش في ريح عدم
الكلام واقف معكز
فوق عصايا كلها نمل الانتظار
النهار جوه المرايا
شيخ عجوز بردان وخايف
الانهيار
يا صغار .....
ياولاد دموع الانتهاء
لملموا كل الجماجم
قيدوا فيها نار أملكم
من بدية يوم ما نالت
مدرستكم حقها (م) الاغتصاب
********
السخونة طالعة تجرى
(م) المرايا فى الدماغ
حمة فايرة
ترتعش منها الكبابى
أم تفل داق مرارة
كل أفكارى المراهقة عنى
وأنا لابس البيجامة
لأحتفائى بالبطل
القلم خايف بيجرى
(م) الصوابع
زى كفته ليها فترة مشيطة
زغردى يا أمى أنا
الجنون جلابيتى
والبلادة محطتى
والسخونة اتلفت
كل أبراج النضارة والتعقل والجسارة
والبطولة والبشارة
والتعفن جوه علبة تونة جافة
هوه ده مقصد مراتك يا أبويا
بعد أمى
انتباه
الحروف بتترعش
والمسافة انتهت
كل ما اكتب
الحروف بتترعش
والسطور دايبة ما تقدر
تحمل المعنى اللى ضايع
في الشعور المنتهى
المسافة بتتنتهى
والدخان رسم القصيدة في الهوا
صور الامانى بتتحرق
دقة الساعات جبل
ويا هزهزة المشاعر
جوه مرجحة الجنون
سيمفونية عشوائية
للألم والاحتمال
لما ابص فى المرايا
ألقى حد تانى ماسك
شاي بلون الليل تقيل
يسكبه فى جوفه اللى شاحح
من طعام الفرحة والقى
فوق كتافه شايل الارض الحزينة
أم جغرافيا الضياع
أم توهان الوليد
جوه رحم الاحتمال
******
اختلال كل الصور
فوق حيطان متشققة
انهيار أبراج قديمة
للامل والانتظار
بسكويت محشى بلبن
شكل عضلات البطل
لما أقوله كش يجرى
يستخبى فى الضياع
أمنا يا أم الألم
مجرى صدرك جاف مشقق
نبته هش في ريح عدم
الكلام واقف معكز
فوق عصايا كلها نمل الانتظار
النهار جوه المرايا
شيخ عجوز بردان وخايف
الانهيار
يا صغار .....
ياولاد دموع الانتهاء
لملموا كل الجماجم
قيدوا فيها نار أملكم
من بدية يوم ما نالت
مدرستكم حقها (م) الاغتصاب
********
السخونة طالعة تجرى
(م) المرايا فى الدماغ
حمة فايرة
ترتعش منها الكبابى
أم تفل داق مرارة
كل أفكارى المراهقة عنى
وأنا لابس البيجامة
لأحتفائى بالبطل
القلم خايف بيجرى
(م) الصوابع
زى كفته ليها فترة مشيطة
زغردى يا أمى أنا
الجنون جلابيتى
والبلادة محطتى
والسخونة اتلفت
كل أبراج النضارة والتعقل والجسارة
والبطولة والبشارة
والتعفن جوه علبة تونة جافة
هوه ده مقصد مراتك يا أبويا
بعد أمى
انتباه
الحروف بتترعش
والمسافة انتهت