تويت
يا معدية جدار الذل
ــــــــــــــ
يا معدية جدار الذل بصِدر شبابك ،
ابنك / جابِك حد الشط
انزلي / دِبي خُطاك الثابتة
لملمي كل جراح أحبابك
بكره الخوف / راح تنسيه
وخفافيش ليلك /
اللي بتسكن ضعف بواقي الليل وماضيه /
مرة في مرة راح يتلموا
وعزم ثباتك ح نعليه
بكره الحق يعود لسماكي
ويؤول ظلم الظالم لِيه
سحابة وماضيه
مهمن يطمع فيك واتغابى أي طموح
ولا ان خلِف / على أطرافِك / موت وجروح
لاَبِس كاب / أو جلباب
لاَبس وش / أوعامل دُميه / لأشباح موميا
بكره الليل / راح تنسِيه
وجميع عفاريته / اللي عطاها وطننا الغالي تلعب بيه اللي اتخبى / واللي مفرفر
واللي ف ايدُه قطوع / يحمِيه !
واللي اتشعلق ع الحبلين /
قصدُه ينافق / اللي مسابق / بخُطى أبيه
زي غزالة ف غابة شوق للحرية
كلُه حيركع تحت أقدامك / وأنتي بنفسك حتصَفِيه
يا معدية جدار الذل بصدر شبابك
مش راح نسمح تاني يعود قهرك وعذابك
وتاني نغني معاكي نشيدنا
سَمي وخطي / أوعي توَطي
عدي يا ريح التغيير عدي
في حما ولادك / انسي ما فاتك
الحرية .. فيكي غريبة .. بس .. قريبة
بكرة حتصبح / جوه أحضانك / زي/ حبيبة
مادُومتي / هزمتي / الخوف جواكي
حاجي عليها / جيبتيها غالية
وانتي يا غالية .. شوفتي أحبابك
ليل ونهار واقفين على بابك
فاكرة سابوكي .. أبدا .. أبداً
ظهر الحب وبان إن أنتي .. ما بعدِك عنهم إلا غُرابك !
سَمي وخطي / أوعي توطي
اللي يطاطي لظالم عمرُه .. يصبح واطي
واللي يقول للجائر لاء ..
التحرير يفتح لُه أبوابه
وسقف مَطالبُه يزيد ويزيد .. ولا يخرج فاضي
الحرية فيكي غريبة بس .. قريبة
بُكره حتصبح جوه أحضانك زي .. حبيبة
مادُومتي هزمتي الخوف جواكي .
ــــــــــــــــ
سيدة الشولي
ــــــــــــــ
يا معدية جدار الذل بصِدر شبابك ،
ابنك / جابِك حد الشط
انزلي / دِبي خُطاك الثابتة
لملمي كل جراح أحبابك
بكره الخوف / راح تنسيه
وخفافيش ليلك /
اللي بتسكن ضعف بواقي الليل وماضيه /
مرة في مرة راح يتلموا
وعزم ثباتك ح نعليه
بكره الحق يعود لسماكي
ويؤول ظلم الظالم لِيه
سحابة وماضيه
مهمن يطمع فيك واتغابى أي طموح
ولا ان خلِف / على أطرافِك / موت وجروح
لاَبِس كاب / أو جلباب
لاَبس وش / أوعامل دُميه / لأشباح موميا
بكره الليل / راح تنسِيه
وجميع عفاريته / اللي عطاها وطننا الغالي تلعب بيه اللي اتخبى / واللي مفرفر
واللي ف ايدُه قطوع / يحمِيه !
واللي اتشعلق ع الحبلين /
قصدُه ينافق / اللي مسابق / بخُطى أبيه
زي غزالة ف غابة شوق للحرية
كلُه حيركع تحت أقدامك / وأنتي بنفسك حتصَفِيه
يا معدية جدار الذل بصدر شبابك
مش راح نسمح تاني يعود قهرك وعذابك
وتاني نغني معاكي نشيدنا
سَمي وخطي / أوعي توَطي
عدي يا ريح التغيير عدي
في حما ولادك / انسي ما فاتك
الحرية .. فيكي غريبة .. بس .. قريبة
بكرة حتصبح / جوه أحضانك / زي/ حبيبة
مادُومتي / هزمتي / الخوف جواكي
حاجي عليها / جيبتيها غالية
وانتي يا غالية .. شوفتي أحبابك
ليل ونهار واقفين على بابك
فاكرة سابوكي .. أبدا .. أبداً
ظهر الحب وبان إن أنتي .. ما بعدِك عنهم إلا غُرابك !
سَمي وخطي / أوعي توطي
اللي يطاطي لظالم عمرُه .. يصبح واطي
واللي يقول للجائر لاء ..
التحرير يفتح لُه أبوابه
وسقف مَطالبُه يزيد ويزيد .. ولا يخرج فاضي
الحرية فيكي غريبة بس .. قريبة
بُكره حتصبح جوه أحضانك زي .. حبيبة
مادُومتي هزمتي الخوف جواكي .
ــــــــــــــــ
سيدة الشولي