شفت الدمع في عين ها البنت شفته
وتقول سافر يا حبيبي يا بابا

بعدي صغيره بس وضعك عرفته
إما فقر وإلا قهر فتح بابه

والحزن داخل عفشك إللي عفشته
ومعيشتك في البعد عيشه غلابه

لا نوم في جفني ولا الأكل ذقته
وتركتنا وأمي بحالة كاآبه

ي كفيل بابا قل لبابا وحشته
لاني سمعته يقول ساكن بغابه

وظفت هالمسكين بعدين هشته
ونهشت منه اللحم مثل الذيابه

ونسيت دين الله وهنته وظلمته
يارب تجعل دعوته مستجابه

حتى الديانه والنبي ماحشمته
حسبي عليك الله يكفي حسابه

قلت الكرم وين الكرم ياللي قلته
جاوب سؤالي ليت تلقى جوابه

يامن قطعت الرزق وإلا قفلته
لاتأمن الرزاق بطشه وعذابه

الله يكتب شي ماقد كتبته
من يومي الله كاتبه في كتابه

واللي من الله وانت بالغصب خذته
بيطلعه من بين فكّك ونابه

المال للإسلام يامن فهمته
والارض ما تسوى بجنح الذبابه