تويت
قصيدة (وطن للـــــــــــــــه؟؟؟؟)....................هشام فتحي
وطن للــــــــــــــــــــــــــــه؟
وأنا واقف بباب الخلق
إمته القاه
تعبت كتير
... بقالي سنين
وأنا ادور يا ناس عنّه
رماني الموج وتهت معاه
وطن للــــــــــــــــــــــــــــــــــــه؟
يغيب عني
ملامحه بتختفي مني
واقول وطني
يا خلق الله
وطن لله
بقاله سنين يضيع مني
يلف بلاد بعيد عني
وأنا امشي وراه
تعبت العمر بيعدي
وانا احلم بيه
وطول الليل وأنا اغني
يا عيني عليه
وسامع من بعيد صوته
يقول الآه اااااااااااااااااااااااه
بَمِدْ الإيد وإيه يعني
واقول وطني
عشان يرجع نسيت همي
ومَدّةْ إيد بتوجعني
بخاف من يوم اروح وانساه
.... .................
وطن لله
بدال وطني اللي راح
يرقص لناس تانين
بدل وطني اللي قام قومه
ونمشي وراه ومش عارفين
وطن بنشوفه في الصوره
ملاك ف ملاك
نقوم في الصبح ونصَبّح
كمان ساعه نشيل الطين
وطن لله
يلم الناس من الشارع
ويحفظ حُرمة الميادين
حلمت ونفسي يتحقق
تلف بلاد على نيلك
ويمحي النور ظلام ليلك
وكان حلمي سنةْ ألفين
ومن يومها بقول يمكن...؟
وأقول بكره.......
تقول بعده....
ومش فارقه ما بين الاتنين
وطن لله ...؟
يمر النيل على بابه
يصلي الصبح رغم الويل
على ترابه
ويرسم فرحُه بين العين
وطن لله
يا خلق الله
مدوخني بقاله سنين
أمانه يا ليل ......
وأنا عايش ومستني
حبيبي اللي هرب مني
وشايف صورته في "النوبه"
وفي "العَلَمين"
أمانه يعود ولا يطول
يا ناس يا خلق
فين وطني...
قولوا لي فين؟؟؟؟
هشام فتحي
المنيا- مطاي- الكوادي
وطن للــــــــــــــــــــــــــــه؟
وأنا واقف بباب الخلق
إمته القاه
تعبت كتير
... بقالي سنين
وأنا ادور يا ناس عنّه
رماني الموج وتهت معاه
وطن للــــــــــــــــــــــــــــــــــــه؟
يغيب عني
ملامحه بتختفي مني
واقول وطني
يا خلق الله
وطن لله
بقاله سنين يضيع مني
يلف بلاد بعيد عني
وأنا امشي وراه
تعبت العمر بيعدي
وانا احلم بيه
وطول الليل وأنا اغني
يا عيني عليه
وسامع من بعيد صوته
يقول الآه اااااااااااااااااااااااه
بَمِدْ الإيد وإيه يعني
واقول وطني
عشان يرجع نسيت همي
ومَدّةْ إيد بتوجعني
بخاف من يوم اروح وانساه
.... .................
وطن لله
بدال وطني اللي راح
يرقص لناس تانين
بدل وطني اللي قام قومه
ونمشي وراه ومش عارفين
وطن بنشوفه في الصوره
ملاك ف ملاك
نقوم في الصبح ونصَبّح
كمان ساعه نشيل الطين
وطن لله
يلم الناس من الشارع
ويحفظ حُرمة الميادين
حلمت ونفسي يتحقق
تلف بلاد على نيلك
ويمحي النور ظلام ليلك
وكان حلمي سنةْ ألفين
ومن يومها بقول يمكن...؟
وأقول بكره.......
تقول بعده....
ومش فارقه ما بين الاتنين
وطن لله ...؟
يمر النيل على بابه
يصلي الصبح رغم الويل
على ترابه
ويرسم فرحُه بين العين
وطن لله
يا خلق الله
مدوخني بقاله سنين
أمانه يا ليل ......
وأنا عايش ومستني
حبيبي اللي هرب مني
وشايف صورته في "النوبه"
وفي "العَلَمين"
أمانه يعود ولا يطول
يا ناس يا خلق
فين وطني...
قولوا لي فين؟؟؟؟
هشام فتحي
المنيا- مطاي- الكوادي