تويت
ليش .... ليش عم بسألك ليش
قديش صرلي بعرفك قديش
ماكأني عرفتك
ولا يوم شفتك
وكيف حتى كرهتك
ما بعرف ليش
وما بعرف قديش
*************
عمر قضينا سوى
الحصرم بقلوبنا استوى
يا ما اشتقنا للهوى
والهوى مالو دوى
وكان كلو طيش
************
كنت تحلم هيك وهيك
وتخربط الدني حواليك
تخاف وقللك ما عليك
بعدو ما قسوا يديك
ومعليش معليش
************
ولما كبرت أحلامك
نسيت كل كلامك
وصرت تبخل بسلامك
وما عاد تشوف قدامك
على مهلك بشويش
***************
حكيك كلو تغير
وشكلك صار محير
صاير طفل زغير
مش عارف يتخيّر
وعم اسألك ليش ... ليش
قديش صرلي بعرفك قديش
ماكأني عرفتك
ولا يوم شفتك
وكيف حتى كرهتك
ما بعرف ليش
وما بعرف قديش