تويت
الخاين
يا داك اللي واقف تتمختر
هاز قلم الظلم به ترسم
ناوي فهاد الدنيا تعمر
ساير فعماك فالناس تتحكم
يامك كلها خيانة وغدر
ما بق فوجهك علاش تحشم
ماشي جاي بين الناس بالشر
وشارة من الحكرة بها محزم
قلة الحيا والسفاهة ماتودر
عطات يام ويجي يوم فيه تندم
طاوعت روحك وسلمت للفجور
لسانك ولف بالقبيحة ديما تتكلم
تدور الساعة ويجي عليك الدور
الخاين طايح يتكرصن لسيادو يخدم
تغريت والحال اللي كان تبخر
و طغيت تحسب راسك معلم
العباد نايمة وأنت فيها تبيع
ضحكة الثعلب ليك توالم
فيها الناس سرحت ربيع
الخبث عمالك فيها عايم
يا ويلك من يوم إلى جاك
بحلوف منو ماتخرج سالم
بركاك من الغدر بركاك
والحكرة بها قهرت بنادم
يا ويلك من هاديك وهداك
معولين عليك كونك فاهم
ثوب الخديعة ليوم عراك
العيوب فيك دارت مناجم
الحق تكلم وعدم كلمة السلاك
التاريخ مزمم وعليك حاكم
الحق ليوم زهر حايد بلاك
شطب خوف فالقلوب خيم
يالخاين جاك الدور جاك
ليوم تودي ما يحقلك تتكلم
كل ما كان يبق موراك
ترتاح منك العباد بالهن تنعم
عبدالعالي الوالي ميسور 2013/04/13
يا داك اللي واقف تتمختر
هاز قلم الظلم به ترسم
ناوي فهاد الدنيا تعمر
ساير فعماك فالناس تتحكم
يامك كلها خيانة وغدر
ما بق فوجهك علاش تحشم
ماشي جاي بين الناس بالشر
وشارة من الحكرة بها محزم
قلة الحيا والسفاهة ماتودر
عطات يام ويجي يوم فيه تندم
طاوعت روحك وسلمت للفجور
لسانك ولف بالقبيحة ديما تتكلم
تدور الساعة ويجي عليك الدور
الخاين طايح يتكرصن لسيادو يخدم
تغريت والحال اللي كان تبخر
و طغيت تحسب راسك معلم
العباد نايمة وأنت فيها تبيع
ضحكة الثعلب ليك توالم
فيها الناس سرحت ربيع
الخبث عمالك فيها عايم
يا ويلك من يوم إلى جاك
بحلوف منو ماتخرج سالم
بركاك من الغدر بركاك
والحكرة بها قهرت بنادم
يا ويلك من هاديك وهداك
معولين عليك كونك فاهم
ثوب الخديعة ليوم عراك
العيوب فيك دارت مناجم
الحق تكلم وعدم كلمة السلاك
التاريخ مزمم وعليك حاكم
الحق ليوم زهر حايد بلاك
شطب خوف فالقلوب خيم
يالخاين جاك الدور جاك
ليوم تودي ما يحقلك تتكلم
كل ما كان يبق موراك
ترتاح منك العباد بالهن تنعم
عبدالعالي الوالي ميسور 2013/04/13