تويت
الستـــــات
النُص الحلو اللّــي بِـيـدّي
كل الدنيا بإنكار ذات
وأمّا بيحتاجو ويتمنّو
يبقى غلطهم كلمة هات
مش بالذمّــة دا يبقى حرام
ولّا زمان الإخلاص مات
يبقى الواحد جوّا حياته واحدة جميله
بتصون حقه و حق العِيله ..
جايباله صُبيان وبنات
فجأه يقولّك مش فاهماني ... مش لازماني
ومش محتاجها ..... ويلفّق أخطاء وحاجات
راعي ضميرك ... بُص لغيرك
دة إنت معاك ست الستات
واللّي مابيقدّرش النعمه
ما بتِتْكرّر ف الأوقـــات
النص الحلو اللّــي منوّر
هوّ اللّـي بيسقيك شربات
........... هيّـه حياه مِن غِير ستّــــات
الأسكندرية في 18/8/2013