تويت
خَايْبَة تَلّْ مْعَاوْدَة
خَايْبَة تَلّْ مْعَاوْدَة
************
ياك آالْكافر
مشَّشْتيني وْلحْتيني
وْزتِّيني ب لكلام لخاسر
وكَّلْت عْليك اللهْ يآالضَّاسر
هو يتْولاَّك يقْتصّْ ويْناصَر
كنْتي كِي لوْدِيعَة لْمَركُونَة
مايْحرّْكَك حَالْ
ماتْشَدَّك جَذْبَة
آنا اللي نَسْتهَالْ
آنَا هِيَّ لْكَلْبة
اللِّي كانت فيكْ مفْتونَة
ضْحيت لْيُوم مجنونة
مانْويتْش تْكُون غِي عَابر
****************
المريني ادريس
القصر الكبير بتاريخ : 03 / 05 / 2014