ملح الهوى في صحن الاشواق ذايب
ودّي أذوق اوصالك بطعم سكّر


يا سارق ٍ كحل الدجى بالهدايب
لك ذيب في طرف المحاجر تمكّر


يا اغلى من الغالين و اغلا الحبايب
لك خافق ٍ عن غير حبّك تسكّر


نهر الغرام اللي جرى في الصلايب
بين الحنايا عاذبه ما تعكّر


يا حاضر ٍ في خافقي وانت غايب
يا سارح ف بعدي وانا فيك أفكّر


والله لو جدّام عيني كتايب
من جند صدّك بينما الفرّ والكر


لا كرّ كرّة فارس ٍ في الصعايب
ايفر بين اكفوفه الفين عسكر


إن ريح ثوبك مرّ واشتمّ شايب
كنّه لبس عمر الشباب و تنكّر


اشتقت أشوف أمّ اللحظ والحوايب
لي شافها الخافق نسى ما تذكّر


وأنا على ما جدّ في الحب خايب
جالس ولا شي ٍ من الوصل يُذكر


لك سهم في وسط المعاليق صايب
اسأل هوى قلبي لو الصدّ أنكر



...................

...........

....