تويت
قَالُوا السَّرَّادَة وَرْوَاوْ
*************
قالوا السرادة ورواو
حكايات كثيرة تعجب
على ذاك لعهد حكاو
كانت السيبة والنهب
ثارو لهجيج وطغاو
الشعب ياكل الشعب
ولحكام گاع تْلاهاو
بْ لالة ومالي تطرب
ف قصورهوم عكفو تخباو
والناس ف الناس كاتسلب
هذاك زمان ناسو مشاو
ليوم حنا لينا مطلب
ايلا حققناه نتقواو
ويكون مفخرة للشعب
ل أمن ول أمان نترجاو
لعيشة رخيصة والطب
ولخدمة ل ذوك اللي قراو
ونحاسبو جميع من كذب
حتى اللي واعدو وما وفاو
فطومة ب لغة لخشب
قالت لعيالات مايسواو
شكون رباها شكون تعب
وليدات فطومة ياكما نساو؟
*************
المريني ادريس
القصر الكبير بتاريخ : 27 / 06 / 2014