وشحالك اشحال الغلا في حشى لك ؟
بعده يدنّ ف خافقك دنّ لرعود؟

ولاّ الغلا من خافقي منْ مشى لك
اغليت نفسك عن أسد يعشق اعنود

يوم ارتفع حبي ف غلاك انتشى لك
حبّ ٍ متى ما غبت يا حبّ موجود

عشق ٍ عذوله في التجافي وشى لك
والحين في شوك الجفا دمعي اورود

ليل الجفا زاد الحزن واغتشى لك
يحمل عباية كحل لعيونك السود

كاتمت سرّ الحب يوم ٍ فشى لك
دمع ٍ فضح شوق احملت ريحه النود

في سفرة الأشواق هذا عشى لك
قلب ٍ به اتغدّى الجفا غدوة الدود!

من رشوة الأشواق ليت ارتشى لك
وَصْلي وجيت بثوبك الناعم اتعود

يا ليث تشقى بسّ تبقى رشا لك
حافظ على حبّك ولو وصله اجحود

يا امغلّف افواد ٍ حشاه احتشى لك
بالود واخلص لك غلا كلّه اعهود

ياربّ قلبي خاف فيك و خشى لك
رد لي حبيب ٍ اعشقه عشق لسجود


.........................

...........

....

رضا الهاشمي

أبوظبي