تويت
مُرَاجَعَاتْ ( 2 )
مُرَاجَعَاتْ ( 2 )
***********
طلّْ خْرِيفَكْ آلَعْمَرْ
ونْتَا مَازَالْ مْعَانَدْ
مَازَالْ تْكَابَرْ وْتصْبَرْ
واقَفْْ وَقْفََة كِي لْقَايدْ
وَقْتََاشْ تْفَاگدْ تَتْبَصَّر
وَتْسَالْ وِِيِنْ بَاقِي زَايَدْ
طلّْ خْرِيفَكْ آلَعْمَرْ
ونْتَا مَازَالْ مْعَانَدْ
السَّتِّينْ فََاتَتْ يَاعُُمْرِِي
كِيمَا السَّاعَة لَوْْ تَحْسََبْ
غِيرْ لْبَارَحْ ونْتَ تَجْرِي
فَرْحانْ وْبَ شْبَابَكْ تَلْعَبْ
لاَهِي فََ حْيَاتَكْ مَاتَذْرِي
وَلاََ يْهَمَّّكْ غَدَّا شْ تَكْسَبْ
طلّْ خْرِيفَكْ آلَعْمَرْ
ونْتَا مَازَالْ مْعَانَدْ
لَحْياة دَازتْ سْرِيعَة
دََوْزانْ لبْرَقْْ والرَّعْدَة
حُبّْها فَ بْنَادَمْ طْْبيعَة
فْرََاقْهَا مْْقَدَّّرْ وَلاَ بُدَّّ
لْمُوتْ مَاتَعْرفْ قْطِيعَة
شِي رَاحْ لْيُومْ وْشِي غَدَّا
لَعْمَرْ كَامَلْ طُولُو سْوِيعَة
بْْ رَمْْشََة عِِينْْ مَا تَتْعََدَّا
طلّْ خْرِيفَكْ آلَعْمَرْ
ونْتَا مَازَالْ مْعَانَدْ
***************
المريني ادريس
القصر الكبير بتاريخ : 23 / 09 / 2014