تويت
حالة شروذ ( 80 )
حالة شروذ ( 80 )
*************
كانَتْ حْاملَة ذَاكْ لَقْصِيدَة
وَسْط حْشَاهَا كْلاَمْ كْثِيرْ
مَنْ هَمِّي وْهمَّا تَغْرِيدَة
بْقَاتْ مَبْهُومَة بْلاَ تَفْسِيرْ
شَْحَالْ حَاوَلْتْ وْهِيَّ عْنِيدَة
مَمْدُودَة وَكْتَابْهَا سْرِيرْ
شَرَّبْتَا بَنْجِْ بْ تَنْهِيدَة
مَا نْفَعْشِي فِيهَا التَّخْذِِيرْ
بْقِيتْ متْحَسَّرْعَ لَّمْعَانِي
لِّ سْرَارْهَا فِيهَا مَكْنُونَة
يَمْكَنْ جاهََا فَهْمِِي شِيِبَانِي
وْهِيَّ بَ شْبَابْهَا مفْتُونَة
يَمْكَنْ فَهْمِي كَانْ حْدِيدَة
وَحْرُوفْ لَقْصِيدَة مَ لَّحْرِيرْ
*******************
المريني ادريس
القصر الكبير بتاريخ : 23 /09 / 2014