تويت
لْقَلْب مْغيَّر
لْقَلْب مْغيَّر
***************
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
عْيِيت صَابَرْ هَازّْ الطَّعْنَاتْ فَ الظّْهَرْ
صْبرْ لبْحَرْ عْلَى هْبَالْ مْرَاكْبُو
هيَّ تشَقُّو وْهُوَّ لِيهَا مْسَخَّرْ
ماحاسَسْ بيهَا ولْحالْ عاجْبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
اللِّي تنويه صافي تبغي تصَاحْبُو
يطلع ليك كيما الثعلب ف لمكر
ايْلاَ عْلِيك مْقَدَّرْ رَبِّي كَاتْبُو
ارْجاه كلَّ ساعة يزيدك ف الصبر
ويلا زغبك الله نضْتي تعاتبو
قُدَّامك يتْباكم مَايْريد يَهضر
وكل ما خرَّجتيه تلْقاه حاسْبو
غير تْصدّْعنُّو تعطيه بالظهر
يبدا يغرس فيك گاع مْخَالبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
لُوكان ريِّي آنا نزْهد نهْجَر
لكِن ريِّي أنَا ربِّي سَالْبُو
وَعْطا ليَّا لعقل بيه نْفكَّر
كل واحدلازم ليه مْعايبو
تتْفاوتْ ما بينْ صْغُر وكْبُر
واللِّي گالْ لاَّ وَنْكَر عيْبُو
بَ التَّجْريب هوَّ لْملْيان غْدَر
غِير اللهْ يَحفَظ مَ سْواد قلْبُو
تا لْسَانُو ديما بَ السَّمّْ يقْطر
الناس تَرقا وْهو هابْطة مراتْبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
يلا كان حالي أنا خالي بلا زهر
واللي صاحبني غي على مْآرْبُو
حتى سْلامُو عليا ديما ب لعْفرْ
وعلاش آنا ديما نشْقا نْجَاوْبُو
مادام كلّْ واحد وحْدُو ينْقبَرْ
عْلاشْ نتَّبْلا بيه وْما نْجَانْبُو
وْكلّْ قرَّان ربِّي يُومْ لْمَحْشَر
غير وحدو هُوَّغادي يْحَاسْبو
جزاه جنة ولا حفرة ف سقر
يْلا شَا يغْفرْ ليه ولاَّ يْعَذّْبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
*******************
المريني ادريس
القصر الكبير بتاريخ : 03 / 10 / 2014
***************
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
عْيِيت صَابَرْ هَازّْ الطَّعْنَاتْ فَ الظّْهَرْ
صْبرْ لبْحَرْ عْلَى هْبَالْ مْرَاكْبُو
هيَّ تشَقُّو وْهُوَّ لِيهَا مْسَخَّرْ
ماحاسَسْ بيهَا ولْحالْ عاجْبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
اللِّي تنويه صافي تبغي تصَاحْبُو
يطلع ليك كيما الثعلب ف لمكر
ايْلاَ عْلِيك مْقَدَّرْ رَبِّي كَاتْبُو
ارْجاه كلَّ ساعة يزيدك ف الصبر
ويلا زغبك الله نضْتي تعاتبو
قُدَّامك يتْباكم مَايْريد يَهضر
وكل ما خرَّجتيه تلْقاه حاسْبو
غير تْصدّْعنُّو تعطيه بالظهر
يبدا يغرس فيك گاع مْخَالبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
لُوكان ريِّي آنا نزْهد نهْجَر
لكِن ريِّي أنَا ربِّي سَالْبُو
وَعْطا ليَّا لعقل بيه نْفكَّر
كل واحدلازم ليه مْعايبو
تتْفاوتْ ما بينْ صْغُر وكْبُر
واللِّي گالْ لاَّ وَنْكَر عيْبُو
بَ التَّجْريب هوَّ لْملْيان غْدَر
غِير اللهْ يَحفَظ مَ سْواد قلْبُو
تا لْسَانُو ديما بَ السَّمّْ يقْطر
الناس تَرقا وْهو هابْطة مراتْبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
يلا كان حالي أنا خالي بلا زهر
واللي صاحبني غي على مْآرْبُو
حتى سْلامُو عليا ديما ب لعْفرْ
وعلاش آنا ديما نشْقا نْجَاوْبُو
مادام كلّْ واحد وحْدُو ينْقبَرْ
عْلاشْ نتَّبْلا بيه وْما نْجَانْبُو
وْكلّْ قرَّان ربِّي يُومْ لْمَحْشَر
غير وحدو هُوَّغادي يْحَاسْبو
جزاه جنة ولا حفرة ف سقر
يْلا شَا يغْفرْ ليه ولاَّ يْعَذّْبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
*******************
المريني ادريس
القصر الكبير بتاريخ : 03 / 10 / 2014