تويت
فطُّومَتْنا يافَطُّومة
فطُّومَتْنا يافَطُّومة
*********************
فطُّومة يافَطُّومة
ياللِّي انتينا علينا حاكمة
شْهمتينا وبْلا حشْمة
ب ْشلاَّ زْيادات والنَّقمة
شعبك لا خدمة لاردمة
غير لبِطالة ولْ أزْمة
فطُّومة يافَطَّومة
لْ أُمَّة راها مكلومة
تَا من الدْراهم معدومة
فين لْوعود لمعلومة
وفين كلامك لمعسول
فعايلك بينا مشؤومة
تعريني ماتْلا فيك معقول
تصرُّفاتك مبْهومة
مابْقاتْشي كَ تْلاقي لقُبول
تبْرِيراتَك ما مفْهُومَة
رْجعْتي كَ تْخلْعي كيفْ لغُول
فطُّومة يافَطُّومة
شُوفِي التْوانْسة آشْ دَارُو
عْلى بولَحْية كيفاشْ ضَارُو
يُوم التَّصْويت كُولْهُوم سَارو
لَ لْحدَاثِيِّينْ اخْتارُو
وْلاحُو الرَّجْعيَّة ف الطَّارُو
فطُّومة يافَطُّومة
الناسْ حْقُوقْهَا مهْضُومة
وْمنَّ لْكرَامة محْرُومَة
ونْت عْلَى مَطالِبْهُوم صايْمَة
فطُّومة يافَطُّومة
زْبايّلَك معْدُودة وْمرْشُومة
منْ دابَا هانْتي معْلُومَة
لْقضِيَّة كاتْبانْ محْسًومَة
نِهايْتكْ باتَتْ مَحتُومَة
*************************
المريني ادريس
القصر الكبير بتاريخ : 27 / 10 / 2014