تويت
يا لْحَامل همّْ هاذْ لوْطَنْ
يا لْحَامل همّْ هاذْ لوْطَنْ
****************
لفِّيتِْ أنا شْحَال منَّ بُلدَانْ
وعْرفْتْ النَّاسْ منْ شَلاَّ طْيَافْ
لِّ فْ صيفْة مْلاَك ولِّ شِيطَانْ
ولِّ بِينْهُوم مَالُوم وْصَافْ
يا لْحَامل همّْ هاذْ لوْطَنْ
وآشْ فيه منْ حاملْ هْمُومَك ؟
يوم فآش تتْهزّْ جُثَّة فَ كْفنْ
يْطيحْ بين النَّاس قدْرك وْسُومكْ
ذاكْ من كنْتي تَحسَن بيه الظَّنّْ
يمْكنْ يبكِيكْ ، بصَّحْ ب دْمُوعَك
يا لْحَامل همّْ هاذْ لوْطَنْ
وآشْ فيه منْ حاملْ هْمُومَك ؟
*********************
المريني ادريس
القصر الكبير بتاريخ : 10 / 12 / 2014