تويت
ياللي حابَّة تماكي
ياللي حابَّة تماكي
*****************
ياللي حابَّة تماكي
باش تباني زوينة
حالتك راها تبكِّي
وراكي عزِّيتي علينا
ياك انتي ديما طايشة
ومع راجلك ما عايشة
وخا دايرة لولاد
مازال طامعة ف صياد
يهديك الله يازينة
ياختي ش بغيتي فينا
باغا تنوضي الروينة
الرجال جلَّهم دراوش
ما فيهوم مايتنواش
ويلا باغية تتبارا
روحي شوفي لعزارة
وختاري ليك شي زوفري
يكون باقي صغير أو دري
غاوي ينقَّز ويجرِّي
كيفك كيف لهجَّالة
حالتك ماهي حالة
لا حداگة فيك لافصالة
يهديك الله يازينة
اتاقاي الله فينا
وباراكاي ما تحكِّي
**************
المريني ادريس
القصر الكبير بتاريخ : 13 / 02 / 2015