تويت
حبل الله متين
حبل الله متين
******************
لايغرَّك كلام الناس لمعسول
عند لقاهم عليك بالثنا
وحين تصد عليهوم يؤول
كل ما قالوه ريح جيفة منثَّنة
ناس تجامل وتلحن ف لقول
رايدة م رَّضاك تفوز بحفنة
ناس ماكرة جاهلة ل أصول
وما يعلم لسرار من غير ربنا
وناس غاوية تعرف لمجهول
م اللي نت مذاريه عليهوم خزنة
وناس تافهة لسانها عليك يطول
ماينطقو ب لحق مايقولو حسنى
إيلا تسايرهوم تعود كيف لمهبول
وكل مانت بنيتيه ب خلطتهوم فنا
ف رفاقتوم ازهد وخا تعيش معزول
وصاحب غير ذاتك تسعد وتهنا
خلِّي باللي خلقك حبلك يبقا موصول
الدنيا راها فتانة مافيها غي الشَّطنة
وحبل الله متين ب لخلود راه مفتول
مايرشِّيه زمان ولا تعيِّيه محنة
**************
المريني ادريس
القصر الكبير بتاريخ : 29 / 04 / 2015