تويت
معلش لبقية الشعب المحترم ... قصيدتى عن الغالبية السيئة من شعبنا...
فوق يا شعب..
نفسى أفهم .. ليه بليد....؟!
إنت ايه ال ف دماغك..
ليه عنيد ...؟؟
إنت متصفح حديد...!!..
ولا معجون بالبلادة.. والبيادة...
ولا متصنع .. جريد... !!
مهما نصرخ .. مهما نوعظ..
أنت بس عايزها ... طبلة... لجل ترقص ..
مش بينفع فيك .. لا وعد .. ولا وعيد
*****
نفسى أحل اللغز وأعرف أيه حكايتك...
ف البطاقة .. أيوا مسلم...
وف صفاتك .. وف عمايلك...
قلب أغبر من ظلام الليل
وأظلم..
أيه ديانتك..؟!
فوق يا شعب...بلاش تلامة .....
ليه تعيش عيشة الغلابة ..
وانت مسجون ... بين خيانتك..
*****
الحكاية مش خنوعك ف السيساسة ..
أو دهاءك بالخساسة..
أو مهارتك في ... الدناسة..
الحكاية هى دنيا ..
انت فيها ليه مهين ...؟!
انت جنب الناس بحالها ... انت فين..؟!
حتى بين نفسك... ونفسك.. تبقى مين..؟!
*****
" الفرنجة" قالوا إحنا ...دولة ناميه
واحنا بنقول.. إحنا حبة خلق نايمه ..
ف الرزيلة...
في الفساد والقهر دايما ... نارنا حاميه...
ايه حكايتك يا بلادنا..
أنت صاحية .. وللا قايمه..
انت دولة .. وللا صولة بين ولاد "........."
ال ف خيرنا ....عايمه..
*****
جمال نصير
يناير2015