تويت
هَاذ الدُّنيا لَعَّابَة
هَاذ الدُّنيا لَعَّابَة
*****************
تقدر تضحك ليك ليام
وتعطيك كل ما ترضاه
بصح يلا غدروك لريام
كان فيك وباقي الله
هَاذ الدُّنيا لَعَّابَة
فيها اللي ماتنواه
دايزة كيما سحابة
تدنِّي وترفع لجاه
الناس ليها طلاَّبة
وكُلاَّ واحد ورجاه
لقُوم عليها ملهوفة
كل واحد وليه شوفة
اللي باغيها مكمولة
واللي باغيها محلولة
بيبانها مايتسدو
وهو ماداير جهدو
ياعايش فيها لا اتِّيق
شحال من واحد عطاتو
وشحال من واحد زواتو
خلاَّتُو عايش ف الضِّيق
حتى من طبعو عرَّاتو
وخرَّجاتو علَّ الطريق
صار كي لبهيمة ذايع
ل كل ماهو شين يبايع
گاع لعشران مقتاتو
وعاد بيناتهوم حرام
ضحكت عليه ليام
وداروها بيه لريام
****************
المريني ادريس
القصر الكبير بتاريخ : 29 / 10 / 2015