تويت
يلا نت يا قاضي تعدل
يلا نت يا قاضي تعدل
*****************
لله يا قاضي لاتفكرني ف لماضي راني قررت ننساه
لماضي ذبحني ب موس ماضي وعندك تفارقت معاه
قلبي من حبُّو عاد فاضي وما بقاتشي ف بالي ذكراه
لا تحاول بيناتنا تراضي خلاص ما عاد ما يجمعني معاه
شحال جرَّبت التَّغاضي هو اللي هجرني ب جفاه
ليوم صارمن تغراضي نجافيه ب طوعو أو ب رضاه
يلا نت يا قاضي تعدل
وف لغرام تقضي وتفصل
حالتي راها ماقابلة حل
وماشي ساهل ترواضي
****************
المريني ادريس
القصر الكبير بتاريخ : 02 / 04 / 2016