إهداء لشابة تستحق الثناء بعد نجاحها بامتياز
**************************
شابة زوينة تفتن بالزين
مربوعة ف لقد ولقامة
عمرها مازال سن لعشرين
علم وثقافة وقوامة
حداثية أخلاق ودين
تلقاك ديما ب ابتسامة
تسامح من خالفها ف لحين
لحيا ولحشمة ولوسامة
طولها ميترو ربعة وستين
حنينة رحيمة ولقلب كبير
يدها ممدودة لفعل لخير
تنسا همها تحمل د لغير
وبلا تقصير بلا تقثير
تشغل بالها فيه بالتفكير
باش تتوفق ليه ف التدبير
ف الناس مصوابة وظريفة
ماشي مزراگة وخفيفة
ضحوكية بشوشة وعفيفة
ف كل افعالها هي فالحة
كيما ف قرايتها ناجحة
أنا منها بعدا مانغير
ندعي ليها غي بالتيسير
ونتمناها عروسة ل أمير
يكون سخي ومرضي لوالدين
************************************
المريني ادريس
القصر الكبير بتاريخ : 07 / 07 / 2016
إهداء لخولة بن جمال