تويت
يآ السَّاكن هاذ لبلاد
يآ السَّاكن هاذ لبلاد
***************
شي تايگريسي م لَّفوق
وشي تايگريسي لتحت
شي بلاعْرَق مرزوق
وشي مرزوق من التخت
يآ الساكن هاذ لبلاد
اللي موزعينها لسياد
يآالصامت ع لَّجلاد
راضي بالسيبة ولفساد
ياللي تبات ف سهاد
خايف منجل لحصاد
خايفو يحصد روحك
أو يعمق جروحك
ونت على صدو ماگاد
مع من انت ف لعناد ؟
عايش مهمَّش محگور
لابسك الذل ومقهور
لاقيمة ليك لا كرامة
وحتى لاين بالسلامة ؟
يلا نت خايف تصدح
تصرخ ب لاَّ وتبرَّح
وانت من ذاتك مسروق
اخير ليك تغادر مشنوق
***************
المريني ادريس
القصر الكبير بتاريخ : 24 / 07 / 2016