...فداك روحي يا رسول الله...
يا ابنادم يا مسلم
رسولك يتهان
وانت باقي اتخمم
مالك ديما حيران
ماهاز للدنيا هم
بهدلو كرامتك
وانت لاهي غي اتحلل واتحرم
قرآنك داسو اعليه
كولي فوقاش تعزم
رسولك راه غضبان
كولي فوقاش تقدم
يا ابنادم يا مسلم
رسولك يتهان
وانت باقي اتخمم
واش انت ما زال فايق
ولا باقي كتحلم
راه كرامتك كتعدم
أوشرفك اتلطخ بالدم
كولي فوقاش تستفد أوتتعلم
كولي فوقاش غادي اتغوت أو تتكلم
كولي فوقاش غادي تنتقم
اتحرك اقبل ما تندم
صلي اعلى الحبيب المصطفى تنعم
حاصر الكفار تغرم
وارفع راية الإسلام تكرم
واهجر اذنوبك أو خلافاتك تسلم
راه الطير الأبابيل للكعبة متقدر اتهدم
وأبرهة الغرب يمكن يترجم
أو باسلاح شي صلاح الدين
كلشي غادي يتردم
وخ اليوم غادي تحتفل
بمولد الحبيب يا مسلم
الفرحة اعلينا غادي تحرم
حتى انردو الإعتبار لرسولنا الأعظم
..........محمد مهداوي...........