............فتوى المقاهي
راسي ياراسي
ابق اشوي راسي
باش انكمل انعاسي
فيق راه الدنيا مكلوبه
إلى ابقات فيك شي عروبه
راه يمكن غدا ادجي فيك النوبه
أشنو كاين يا خويا
يا ولد اميمتي اوبويا
نورني راه راسي غي كابويا
شوف الناس للعلماء امجرحين
فلقهاوي ردوهم مفسدين
أوصنفوهم امع الكافرين
يا سيدي هذا جيل قمش
يا ايخاف ما ايرمش
فين اما دار يدو يجبد لحنش
اقراو اقراية الشيطان
أودارو إبليس ترجمان
اللهم احفظنا يا رحمان
احترم علماءك يا زينة السميه
أوخليك من قلة النيه
راه ماشي هذي هي الحريه
........محمد مهداوي