تويت
العلاج الحب
قالت يا ابني كبرت شو فيها
تنقي عروس تصير راعيها
تم الفرح وتجمعوا الخلا ن
صحون العسل قصروا لياليها
كنه وحما والبيت سكنه الجان
صار الوحيد هموم يقضيها
والام تحكي اطرش وسمعان
وزوجه بدلالا تنوح ما ضيها
بتحب زوجا وزادها حرمان
والام ابنا وكيف يحميها
القاضي انشنق والمكر ميزان
اهتديت عوصفه السم تسقيها
بكير قصدت صيدلي فهمان
عرضت بغالي السعر يعطيها
قال الثمن مطلوب طقم اسنان
لما الفقيده تزور باريها
لكن بشرط تزودي الكتمان
برقه وحنان الاكل تعطيها
نقطه بطعاما واللطف شيطان
ان ماتت بسرعه بتوقعي فيها
عندي شراب الاسم فرخ الجان
شهرين عدّي وشهر يرديها
لا عين تقشع لادري سمعان
وزوجك معك بسمات يهديها
خلف السستاره فتحت الجزدان
رميت بقعره حقدعاميها
رجعت بايدا حاملي الوان
تعجب حماها وعينها فيها
بدل الجفا صار اللطف عنوان
بحبك ياماما الصحن كفيها
ندمت وعطيني قبلة الغفران
ومني انا الاكلات حبيها
طير الهنا ورفرف على الاغصان
شهر العسل واللوز اويها
قالت حماها بدنا صبيان
ومثلك ياحلوه بنت جيبيها
شهرين مرّواالمرّ كان وبان
الام الحنونه الحب يحميها
رجعت بلهفه وقلبها تعبان
تطلب علاج وكيف تشفيها
قال المحبة علاج للانسان
والسر كامن في تعاطيها