تويت
الزمان وعَّاني وقرَّاني
الزمان وعَّاني وقرَّاني
*******************
من بعدما بويا ربَّاني
ويما اللي عاشت حاضناني
بقيت ف الدنيا وحداني
تايه ف طريقي حاير
تارة مفتون تارة هاني
بصروف ليام ماخابر
كذا من رهْط حْتاقرني
كان ب عينو فيا يخزر
حالو كان حاسبني فاني
حكم عليا بلا ما يفكر
وآنا الزمان وعَّاني وقرَّاني
وعلمني كيفاش نكابر
علمني نقارع شلا قراني
وتا اللي سابقين ف لعمر
علمني نقول هاذا شاني
دركتو ب ما قضا ربي وقدر
واللي استصغرني هناني
مانقصلي مامطَّطْلي عْمر
*****************
المريني ادريس
القصر الكبير بتاريخ : 14 / 11 / 2017
*******************
من بعدما بويا ربَّاني
ويما اللي عاشت حاضناني
بقيت ف الدنيا وحداني
تايه ف طريقي حاير
تارة مفتون تارة هاني
بصروف ليام ماخابر
كذا من رهْط حْتاقرني
كان ب عينو فيا يخزر
حالو كان حاسبني فاني
حكم عليا بلا ما يفكر
وآنا الزمان وعَّاني وقرَّاني
وعلمني كيفاش نكابر
علمني نقارع شلا قراني
وتا اللي سابقين ف لعمر
علمني نقول هاذا شاني
دركتو ب ما قضا ربي وقدر
واللي استصغرني هناني
مانقصلي مامطَّطْلي عْمر
*****************
المريني ادريس
القصر الكبير بتاريخ : 14 / 11 / 2017