موال

توفيق البيض

تاريخ التسجيل: 29-08-2008

المشاركات: 8
- مشاركة
- تويت
#1

موال

29-08-2008, 16:17

-1-

ساوي ساوي
أوتار الگلب
وغني
على عتاب الروح
موال
خاوي خاوي
العداوة بالحب
سوس غبار الدمعة
على رموش البال
وسر الحرف
فـ الكلمة
وسر الجرح
فـ البسمة
وسر بلادي
وخة بكمة
حق وگالوه الرجال

-2-
في ساعة الكتبة
ما تقيد علي وعليك مقال
تشدني جدبة
ويعشش في دواخلي السؤال
ويدير ودن كيال
مرة يجيني فـ صفة عقل
مرة فـ صفة هبال
مرة فـ صفة جهل
مرة فـ صفة خبال
مرة فـ صفة حمل
غادي ويثقال
مرة يقصار
قياس المحبة
مرة يكبر قياس الجبال
مرة يساومني بالذهب
مرة يبيعني بريال
مرة يجيني
فـ صفة وردة
فـ تراب القصيدة تذبال.
مرة يجيني
ومرة ما يجيني
والله ينجيني..
-3-

أنا خيمة
منصوبة في الثلث الخالي
بلا حبال
أنا غيمة
في سماك يا العالي
ما صبيت على تراب البال
وأنت عرف بحق الرجال
خاوي خاوي..
ساوي ساوي..
اوتار گلبك
وغني على عتاب روحك موال
الكلمات الدلالية (Tags): لا يوجد

ما الذي يحدث