تنعّم بقلبي واخذ راحتك يا المحبــــوب
فلا تنقفل فــــي وجهك الطيّــــب ابوابه
تغلى علــــــــــيّ وكل ما تمنعه مرغــوب
رغبت التغلي منك يا اللي تســــــــــلا به
اشوف الهوى بلوى وراعي الهوى منكوب
وعشقت الجروح اللي تجيني من اسبابه
جروح الغرام تلوق في الشاعر الموهوب
نزيف المشاعر يروي الشـــــعر واصحابه
ذبحني غلاك ومـــن محبتك كيف اتوب
وقلبي يذوب اليا ســــــمع طاري احبابه
بغيت اتركك وانساك واغير الاســـــلوب
وقلبي عصاني فيـــــــك ما بدل اعجابه
عيون المحب تشوفك ولا تشوف عيوب
ولو تشــــــــــوفها بتشــوفها بعين كذابه
درواس السراج
نزيف المشاعر
