مديون للايام بالشكر الجزيل
ومديون لظروف الزمان بكل حال
فيها عرفت الناس منحط ونبيل
وميزت ميزان الحقيقة والخيال
فيها عرفت ابن الاصيل من الدخيل
انكشفت الاوراق وانفض الجدال
وفيها عرفت الشهم لا يمكن يعيل
ياخذ قراراته بحكمة واعتدال
عن المبادي ما تزحزح ربع ميل
يثبت على نهج العلا مثل الجبال
وفيها عرفت ان الردي ضايع دليل
متذبذبٍ يلعب على عدة حبال
شلون ما مال الهوا صوبه يميل
سعره زهيد وينشرى مثل البغال
ما يستحي وشلون يرضى بالقليل
عيبٍ على شرواه يكشخ بالعقال
وابن الردي يمشي مع العالم ذليل
ويغض طرفه ما يناظر بالرجال
شفنا كثير اشياء من هذا القبيل
عند انتشار النور ما يبقى ظلال
ماني وانا ابن سراج ناكر للجميل
لكن عليك الله ما شفنا جمال
في مذهبي ما فيه اخس من العميل
اللي يوقف جنب جيش الاحتلال
انا اعرف الخاين علاجه مستحيل
هو ميتٍ ومعالج الميت محال
وجهه نجس ما ينظف بكثر الغسيل
حتى ولو فركوه بالغاز المسال
من خلقته للمعتدين يصير ذيل
ولسانه ويده على ربعه طوال
شبيح ملعون الابو قاطع سبيل
جرايمه متوثقة في كل جال
مع شلة الاجرام سير له فصيل
بالسكر والتشبيح كم قضى ليال
يوم انتصرنا جا لنا بعذرٍ هزيل
واصبح جهاديٍ ينادي للقتال
كوع وتكويعه من عيارٍ ثقيل
احتال لكن ما نفعه الاحتيال
خلع قناعه وثره مجهز بديل
لكن قناعاته رخيصة لا تزال
لو يدعي الاصلاح والراي الفضيل
رداه يبقى للعرب مضرب مثال
متوارث الاجرام جيلٍ بعد جيل
سلالةٍ معروفة بهذي الخصال
ويجيك واحد خبل راسه مستطيل
يقول ( يمكن مكره ولا له مجال)
والفرق واضح يبصره حتى الكليل
لكن عميان البصيرة في ضلال
انكشفت النيات والخطب الجليل
من فضل ربي جل شانه ذو الجلال
ياما نصحناكم ولا شفنا حصيل
وقلنا لكم نبغى جوابٍ للسؤال
تأدبوا ولا ترى السيف الصقيل
مصيركم يا اللي تريدون النزال
ترى قيادتنا لها بالٍ طويل
وانتم جهلكم ما نفع به طول بال
كفوا بلاكم واستعدوا للرحيل
ولا تشوفون الغضب والانفعال
ترى الحكومة كفها ماهو بخيل
الله يعز الشرع وجنود النضال
يا الله تحفظ جيشنا الحر الأصيل
وتجعله دايم في سعادة واحتفال
درواس السراج
