ليه بنهيس لما نكون مهيسين
ليه بنضحك لما نكون مفرفشين
ليه بنعيط لما نكون مخنوقين
آآآآآآه ... ميت ليه وليه
وفي الاخر مصدومين ولايمكن تايهين
ولا يمكن علي الحياه ما احناش قادرين
اهي عيشه وهتعدي وادينا عايشين
مهيسين مفرفشين ولاحتي مصدومين
طب عيشه ولااكتر ..مانعيشها مبسوطين
يعني هنعيشها مخنوقين ولا حتي مصدومين
طي ليه ...؟ مادام عالضحكه ادينا قادرين

ولا الناس عاملين زي المحشيشين
يقولوا الكلمه وفي ساعتها عالطول راجعين
ماتعرفهم طبيعين ولا مهلوسين
اهي عيشه وهتعدي وادينا عايشين
نعيشها بنضحك مادام عالضحكه ادينا قادرين

هموم الدنيا فوق روسنا متلتلين
ياعيني علينا .. هنلاقيها منين ولامنين
في غزه اديهم مقتولين.. ولا حتي محروقين .. ولا يمكن مدبوحين
والعرب ايديهم علي بؤهم وساكتين
أصمله عليهم ... مؤدبين

وهنا ازازه الزيت بقت بعشرة وحاجة
باكته السكر بحاجه وتلاتين
واللي زاد وغطي .. هيلغوا الدعم وهيطبقوا نظام بطاقه التموين
وآآآآدي باقي الناس عايشين مطحونين
مش بقولكوا هموم الدنيا فوق روسنا متلتلين
عيشه ولااكتر نعيشها مبسوطين
مادام عالضحكه ادينا قادرين

بص شوف .. الشباب عالقهاوي مترصاصين
ولا حالهم يتكتب فيه دواوين
وحال البنات ورا التقليد الاعمي ماشين
طب ليه .. ده احنا امهاتنا امهات المؤمنين
اهي عيشه وهتعدي وادينا عايشين

ولوبصينا علي حال ابلد .. ماهي ضايعه من سنين
وكباراه البلد نايمين مدفيين
في بنوك سويسرا هتلاقي فلوسهم بالملايين
عيشه ولااكتر...
نعيشها مبسوطين مادام عالضحكه ادينا قادرين