ياشعر مالك كده صبحت ليه خاسس؟ .. احنا اللى مش حاسينك وللا انت مش حاسس؟.. ............ واقف على عودك يادوب وبالعافية .. لا كلمة جت تسندك ولا بيت ولا قافية ....... صعبان عليا حالك بس انا الغلطان .. قلبى عليك قسي مابقتش زى زمان .. ...... مابقتش أحب الجمال وزوأى مبقاش هوه .. ومزاجى دايما عكر والعيب هنا جوه .. ........ صحيح مالكش ذنب احنا صحيح وحشين .. اهملنا فيك الأصالة واحنا مش عارفين .. ...... ياشعر عامى أصيل يابو كلمة مظبوطة .. كلك فنون وجمال والقافية مشروطة .. ....... تعال حقك عليا اسقينى من نهلك .. .وسامحني على ذنبى قلبى بيندهلك .. ......